DONATION PAR LEOTHERIE AU MONASTÈRE DE SAINT-PIERRE-LE-VIF DE SENS.
Cette charte contient la donation de biens situés dans le pays de Lassois aux Riceys et à Pauliacum; et composés de manses, de serfs et d’héritages de toute nature, et même d’une église dédiée à saint Martin.
Dominæ semper ac venerabilis basilicæ Sancti-Petri apostoli, quæ est constructa sub opidum Senonis civitate, ubi domna Theodechildis regina requiescit in corpore, ubi venerabilis Viraiboldus abba vel monachi sub sancta regula deservire videntur, Leotheria sive Mummia timens Deum, cogitans de æterna retributione, ut mihi Dominus Deus in futurum aliquid de peccatis meis minuere dignetur; vel pro loco sepulturio corpusculum meum, ut in ipso sacro loco monasterio Sancti-Petri sepelire mereretur. Propterea dono ipsi monasterio superius memorato illum mansum indominicatum et ipsam ecclesiam ad ipsum mansum pertinentem, quæ ecclesia est in honore sancti Petri, et illas res tam de paterno quam de materno, vel de quolibet atracto mihi obvenit, qui conjacet ipse mansus et illa ecclesia et illæ res in pago Lastcense, in villas nuncupantas Reciaco sive Pauliaco, cum omnes adjacentiis sive mancipiis meis vel omnes portiones meas siva ingrediciis, tam in mansis quam in farinariis seu et silvis, necnon et in pratis, pascuis, aquis aquarumve decursibus, omnium præsidium et omne genus peculium utriusque sexus generis, quod dici aut nominari potest, seu et inantea augere et meliorare potuero, ad ipsum monasterium perennis temporibus ibidem proficiat in augmentis. Si quis vero (quod futurum esse non credo), si ego ipsa aut aliquis de hæredibus meis vel ulla quælibet obposita persona qui contra hanc epistolam donationis venire conaverit, et insuper inferat partibus ipsius monasterii una cum fisco auri libras duas, argenti pondus V esse multandum: et præsens donatio ista firma omni tempore permaneat sub stipulatione subnexa. Actum basilica Sancti-Petri. LEOTHERIA sive MUMMIA hanc epistolam donationis fieri et firmare rogavi. RAGNOALDUS diaconus rogitus scripsit. TEUTLEOTERIUS, LUPUS, DONNUS, BABO, NORBERTUS, MAGWINUS, TEODERINDUS, LEUTBERTUS. Quintodecimo kal. jun. anno quinto regni nostri Chlodovei regis, GUNDOLANDUS præsbiter, ordinante domna Leotheria, hanc epistolam scripsi et confirmavi.
QUANTIN (Maximilien), Cartulaire général de l'Yonne, Recueil de documents authentiques pour servir à l'histoire des pays qui forment ce département, publié par la Société des sciences historiques et naturelles de l'Yonne, Auxerre, Perriquet, 1854-1860, tome 1, p. , n° X.