CHARTA QUA SICBALDUS WADIATOR ATTONIS PARTIM DAT, PARTIM VENDIT MONASTERIO CLUNIACENSI VINEAM ET TERRAM IN VILLA RUFIACO.
Sicbaldus, wadiator d'Atto, donne à l'abbaye de Cluny la moitié d'une vigne et d'une terre situées dans la villa Ruffey, au pagus de Mâcon ; il vend l'autre moitié, au prix de 12 deniers.
Sacrosancto ac venerabili loco in honore Dei et beatorum apostolorum Petri et Pauli dicato Cluniensis monasterii, ego igitur, in Dei nomine, Sicbaldus, vuadiator et helemosinarius Attoni, dono etiam supradictis apostolis, pro anima ipsius, sicut ipse moriens per andelannum delegavit, ut mos est legis salicæ, aliquid de rebus nostris quæ in pago Maticensi sitæ videntur, in villa cui dicitur Rufiacus: hoc est vineam et terram quæ terminatur a mane terra Duranni, a meridie et a certio terra Sancti Petri, a sero via publica. Infra istas terminationes, totum ad integrum dono atque transfundo unam medietatem, pro anima ejus, et aliam medietatem quæ mihi jure obvenit pro XII denariis. Si quis autem, quod futurum esse minime credo, ego ipse aut ulla intromissa persona contra hanc donationem seu venditionem aliquam inferre calumpniam voluerit, non valeat quod repetit vendicare, sed coactus potestate juditiaria, cui litem intulit auri uncias quatuor persolvat, et inantea omnique tempore stabilis consistat, stipulatione subnixa. Actum est Cluniaco publice. S. Sicbaldi, qui fieri et firmare rogavit.
BERNARD A., BRUEL A., Recueil des chartes de l'abbaye de Cluny. Tome 4 : 1027-1090, Paris, Imprimerie nationale, 1888, p. 295-296, n° 3130 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1498, cartulaire B, chartes de l'abbé Hugues, p. 289, CCXC.