CHARTA QUA RICHARDUS ET FILII EJUS DANT MONASTERIO CLUNIACENSI RES SUAS UBI DICUNT AD MONTEM SERENUM.
Richardus et ses deux fils Hugo et Tetbertus donnent à l'abbaye de Cluny plusieurs biens situés au lieu dit Mons Serenus (Mont), au pagus de Mâcon, dont des champs à Les Jandots et des courtils à Bergesserin.
Cunctis recte credentibus ac infra matris æcclesiæ gremium manentibus claret, quod ex bonis temporalibus ac juste adquisitis divina concedente clementia celorum regnum mercetur. Unde summopere est studendum, ut si qua bona valemus agere, postposita omni cun[c]tatione, non pigritemur, facientes eos nostri debitores, quos veraciter novimus et inpresentiarum saluti corporum multum consulere et in futuro animarum judices minime ambigimus. Igitur notum sit omnibus Christi caractere insignitis, quod Richardus Dei amore succensus una cum filiis suis Hugone et Tetberto, dedit Domino Deo et apostolis ejus Petro et Paulo locoque Cluniensi in honore eorum consecrato, aliquantulum de hereditate sua quæ in pago Matisconensi videtur sita, in loco qui dicitur ad Montem Serenum: hoc sunt campi qui dicuntur Kasantlimerio, et propriam condaminam suam, et curtilos usque ad Bargisserenum, quesitum et inquirendum, totum prefato reliquit loco pro animarum suarum et suorum parentum remedio. S. Richardi, qui hanc donationem fecit et firmare rogavit. S. Hugonis atque Tetberti filiorum ejus. S. Duranni. Utile precium fuit hoc in loco inserendum, quod Ainardus et Gonterius fratres ejus hoc laudaverunt et firmaverunt factum donum, videlicet quia jure hereditario sibi hæc pertinebant. S. Ainardi. S. Gonterii.
BERNARD A., BRUEL A., Recueil des chartes de l'abbaye de Cluny. Tome 4 : 1027-1090, Paris, Imprimerie nationale, 1888, p. 292-293, n° 3126 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1498, cartulaire B, chartes de l'abbé Hugues, p. 281, CCLXXXII.
4825
Numéro CBMA : 4547
Le lieu dit Mons Serenus correspond aujourd'hui au hameau de Mont, commune de Suin.