CHARTA QUA ITERIUS ET UXOR EJUS ALEXANDRA DANT MONASTERIO CLUNIACENSI RES SUAS IN VILLA VALLIS.
Iterius et Alexandra son épouse donnent à l'abbaye de Cluny des biens situés dans la villa Vallis, au pagus de Lyon.
Sacrosanctæ Dei æcclesiæ Cluniaco nomine, quam videtur donnus abba Maiolus regere. Ego prompta caritate et bona voluntate Iterius et uxor mea Alexandra donamus aliquid ex rebus nostris, quæ sunt sitæ in pago Lugdunense, in agro Congniacense, in villa Vallis: hoc est vineam et campum; et terminatur de una parte terra Magiensendanis et filiorum suorum, de alia rivo qui appellatur Belneto, de III parte via publica, de quarta silva. Infra istas terminationes, totum ab integro usque ad inquirendum dono ad jam dictum locum, eo tenore ut quandiu vixerimus, de vinea et de campis et de silva usumfructuarium recipiamus, et in vestitura si[n]gulis annis IIII denarios, in festivitate sancti Petri persolvemus; postquam autem obierimus, ad Sanctum Petrum cum omni integritate perveniant, nullo homine contradicente. Et si ullus homo temptare presumpserit, non valeat vindicare quod repetit, sed iram Dei omnipotentis omniumque [sanctorum] incurrat, nisi emendaverit, et cui litem intulerit, auri uncias III correptus componat, et nostræ donationis carta incunvulsa permaneat, stipulatione subnixa. S. Iterius et uxor sua Alexandra, qui fieri et firmare rogaverunt. S. Wilenchus. S. Erenchus. S. Arfonsus. S. Giraldus. S. Arnulfus. S. Aiendradus. Actum XIIII kalendas februarii, feria IIII, tempore Condradi regis. Arnulfus scripsit.
BERNARD A., BRUEL A., Recueil des chartes de l'abbaye de Cluny. Tome 2 : 954-987, Paris, Imprimerie nationale, 1880, p. 170-171, n° 1076 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1497, cartulaire A, chartes de l'abbé Maieul, p. 474, DV.
1896
Numéro CBMA : 3561
Le 19 janvier est tombé un mercredi en 953, 959, 970, 976, 981 et 987 sous le règne de Conrad et sous l'abbatiat de Maïeul.