Le chevalier Pierre Agarn confirme au prieuré de Saint-Pierre et Saint-Paul de Domène le don de ses deux parts de dîme et une autre part de dîme qu'il avait dans le manse de Pons Ier Ainard de Domène, ainsi qu'une vigne du seigneur Pons Ier Ainard de Domène à Allevard. Il laisse également les deux parts de la vigne de Jean dit l'Evêque à la Ferrière. Par aumône et pour l'instruire, le fils de Pierre est pris en charge par le prieuré.
Notum sit omnibus hominibus quod ego Petrus cognomento Agarnus habebam in manso domini Pontii duas partes de decimo, & alibi tertiam partem de decimo, similiter alterius vineæ domini Pontii in Alavargo, indeque & duas partes de decimo de hoc quod tenebat Joannes cognomento Episcopus in loco Ferrariarum; in clauso etiam domini Ainardi junioris habebam decimum similiter. Hæc omnia transfundo, dono & concedo Deo & sanctis apostolis Petro & Paulo ad locum de Domina, in advocatione Cluniaci, in manu domini Benedicti patris ejusdem loci, ut habeatur & possideatur perpetualiter pro anima mea, & patris & matris, atque antecessorum & successorum meorum. Si quis autem hæredum meorum vel aliqua persona cujusque dignitatis vel potestatis hoc donum infringere tentaverit, sit pars ejus cum Dathan & Abiron & Juda proditore Domini. Insuper etiam judiciaria potestate coactus libras auri quinque persolvat & quod repetit vindicare non valeat . Ut autem hæc carta firma & stabilis permaneat manu propria signavi, & testibus firmandam tradidi.
S. Pontii Ainardi; Petri Bruni. S. Humberti Ferrolii; Rodulfi Bretonis.
Conventum est autem a domino Priore, ut amore hujus eleemosinæ filium meum doceri faciat & pascat & vestiat usque ad annos quinque .
MONTEYNARD (Charles D.), Cartulare monasterii beatorum Petri et Pauli de Domina, Cluniacensis ordinis, Gratianopolitanae dioecensis, Lyon, 1859, n°199.