Ego, in Dei nomine, Rotlannus Crassus dono aliquid de hæreditate mea ad ecclesiam Sancti Juliani de Sal, quæ pertinet ad ecclesiam Sancti Martini Saviniensis, ubi præest domnus Dalmacius abbas: hoc est unum mansum et alium dimidium qui sunt in agro Forensi, juxta villam quæ vocatur Sal, cum pratis, terra culta et inculta, campis, vircariis, cum publicetis et salicetis, ex integro dono quod ibi videtur habere. Sane, si, post hanc donationem, aliqua emissa persona aut ullus ex hæredibus meis hanc cartam calumniare voluerit, non fiat quod cupit, sed sit a Deo maledictus et a sancto Martino sanctoque Juliano. S. ejusdem Rotlanni Crassi, qui hoc donum fecit, præsentibus Aymino monacho et Girino Crasso, suo propinquo. S. Isiliardi; Hugonis; Aymini; Fulcherii; Agnonis; item Aymini.
BERNARD (Auguste), Cartulaire de l'abbaye de Savigny suivi du petit cartulaire de l'abbaye d'Ainay, Paris, 1853, n°778.