Donation de dîme par Ricarde, son mari et ses enfants.
DE DONO RICHARDIS ET PETRI SICARDI
Anno Dominice incarnationis M°C°LII°, ego Ricardis et maritus meus Petrus Sicardi et infantes nostri Petrus et Guillelma, nos omnes insimul, bona fide et sine inganno, pro amore Dei et remissione peccatorum nostrorum, donamus et laudamus et titulo donationis cum hac carta tradimus monasterio Beate Marie de Salvanesc et tibi Guiraldo, abbati, et omnibus ejusdem loci fratribus presentibus et futuris, decimam quam habemus et tenemus in toto territorio quod vocatur Roveret Vetus, videlicet quartam partem tocius decimę quam ibi habemus, et quicquid nobis debet evenire ex parte Amici, patris videlicet mei predicte Ricardis, post mortem ejus. Hoc donum facimus integre et fideliter et absque omni retentione et, ut superius dictum est, pro amore Dei, ut predictam decimam semper habeatis et possideatis et vos et successores vestri. Testes hujus rei sunt : Bernardus Begonis de Provencos, Bertrandus del Fraisen, Raimundus de Villanova, Petrus Guilelmi de Neirano et Petrus Raimundi de […].
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°298, p.238-239
cartulaire
Rodez, AD Aveyron, H(006) 001, cartulaire de l’abbaye de Sylvanès