Donation du bénéfice d’un mas faite par Raymond de Caylus.
DE BENEFICIO MANSI DE TRUSCAZ
Anno ab incarnatione Domini M°C°LX°VII°, ego Raimundus de Castlutio, bona fide et sine inganno, pro amore Dei et remissione peccatorum meorum, dono et laudo et titulo donationis cum hac carta trado D[e]o et monasterio Beate Marie de Salvanesc et tibi Pontio, abbati, omnique ejusdem loci conventui presenti et futuro, beneficium totius mansi illius qui dicitur Truscaz, quem emi a Raimundo Textore ; quem mansum debetis redimere de Raimundo Arnaldo de LX solidis et I modio de frumento ; insuper quartum ejusdem mansi tamdiu habeatis donec de ipso quarto recuperetis predictos LX solidos et I modium de frumento, de quibus redemistis eum, quo videlicet precio jam soluto, debetis michi in unoquoque anno reddere quartum predicti mansi. Pro hac donatione et laudatione dedistis michi de caritate XX solidos, ut firma et stabilis semper permaneat. Hujus rei testes sunt : Raimundus de Durban, Petrus Guillelmi de Reixag, Stephanus Johannis, Guiraldus de Monteacuto, Bernardus Vaxeira, Bernardus Deodati de Canet et Guillelmus Bermundi.
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°289, p.231
cartulaire
Rodez, AD Aveyron, H(006) 001, cartulaire de l’abbaye de Sylvanès