Lézat. Arnaud de Podio Viridi, reconnaissant les tenir de Pierre de Dalbs et du monastère, reçoit l’investiture de la terre du Planter qui lui a été donnée par son parrain Aycard de Mauressac, et des divers fonds (qui font l’objet de l’acte précédent, cf. n°1129) qui sont en indivision avec les héritiers de Raymond Rufet, son frère ; il s’engage à payer avec ceux-ci les redevances dues pour ces fonds.
Notum sit cunctis quod Arnaldus de Podio Viridi recognovit et concessit domino Petro de Dalbs, abbati Lesati, quod ipse tenet ab eo et monasterio Lesatensi totam illam terram que dicitur del Planter, a capite malolis Siguini usque ad fondum terre Piri Grossani et a terra que est ad fondum vinealium usque ad terram ejusdem abbatis quam Aicardus de Moressaco, patrinus ejus, qui eam tenebat a monasterio Lesatensi, causa filiolatus sibi donavit et cum parieriis suis, heredibus Raimundi Rufeti, fratris qui, illas terram et vineam que sunt inter pratum d’en Senad quod est ipsius abbatis et rivum Morassaguensem, et terram et vineam ejusdem abbatis qui dicitur Maliol Segui que fuit d’en Senad, et terram quam tenet Geraldus Dessus, et ex altera parte rivi predicti, illam terram que est inter rivum predictum et vineam quam tenet Geraldus Dessus et terram fontis de Valle et casalem de la Pagesa et casalem qui fuit Arnaldi Molnerii qui est ejusdem abbatis et terram quam tenent filii Bernardi Carbonelli ; et illud exartum quod est inter terras quas tenet Geraldus Dessus et terram del Yrisso que est ejusdem abbatis et viam puplicam ; et illum casalem qui dicitur de la Barrera qui est inter casalem na Tornera qui est ejusdem abbatis et casalem de la Pagesa et inter ambas vias puplicas et terras quas tenent filii Bernardi Carbonelli ; et illud exartum quod est inter viam puplicam et terram quam tenet Geraldus Desshus et terram condamine que fuit Arnaldi Azemarii et terram quam tenet Petrus d’en Guilem Ramon et terram per quam transit carrataria ; et duas partes illius terre que est ad Pontilh, inter viam puplicam de la Burgada et casalem qui fuit d’en Joanet et terram de la Grata Mala et terram quam tenet Bernarda, filia Aicardi que est ejusdem abbatis et terram que fuit Petri de Magrennio ; et illam terram que est casalis qui fuit d’en Carrafi et est inter terram et viam puplicam de la Burgada et terram casalis na Costansa et terram de Laspergas et terram del Cal et terram d’en Guaralt quec e d’en Peire d’en Guilem Ramon de la Burgada ; et alibi, in decimario de Cassanel, illam terram que est a Puig Bernad, inter terram dels Matres et rivum de Fulhada et terram que fuit Geraldi Dessus et terram quam tenet Guillelmus Doad et pro omnibus honoribus supradictis preter predictam terram del Planter debet reddere cum parieriis suis singulis annis prefato abbati et successoribus ejus .III. sol. tol. in festo Omnium sanctorum, et in carniprivio monachorum .I. carterium frumenti et .I. sextarium de civata ad mensuram veterem et .II. gallinas, et in estate tempore messium .I. iornale de suo proprio corpore et in vindemiis aliud iornale set tunc sibi debet dari ab eodem abbate vel suis ad comedendum ; et ultra predicta debet reddere eidem abbati et successoribus ejus quartum de omni fructu qui exierit de terra que fuit Carrafi et retroacapite quando evenerit .VI. d. sol. ; et si clamorem inde habuerit dominus abbas Lesatensis vel ejus baiulus fidancias inde habebit et XV d. tol. justiciam si predictus Raimundus inde fuit inculpatus et omnes alias rectas et integras dominationes. Hoc ita recognito prefatus dominus abbas Lesatensis concessit predictos omnes honores in perpetuum predicto Raimundo Rufet et ejus heredibus, retentis sibi et ejus successoribus abbatibus Lesatensibus in eisdem honoribus et personis ejusdem Raimundi Rufeti et suorum heredum censibus, serviciis et dominationibus supradictis, et convenit inde facere bonam et firmam guirentiam prefato Raimundo Rufeti et ejus heredibus in perpetuum de omnibus amparatoribus bona fide. Actum est hoc apud Lesatum, .IX°. die introitus mensis junii, feria .VIa., anno ab Incarnatione Domini .M°.CC°.XL°.V°., regnante Lodovico rege Francorum, Raimundo comite Tholosano, Raimundo episcopo. Hujus rei sunt testes : Raimundus de Montealto, Guillelmus de Bevila, Guillelmus del Moli, Arnaldus Bernardi et Raimundus de Montealto, puplicus tabellio Salveterre de Sancto Eparcio, qui hanc cartam scripsit.
OURLIAC (Paul) et MAGNOU (Anne-Marie), Cartulaire de l’abbaye de Lézat, Paris, 1984, n°1130, II, p.97
cartulaire
Paris, BNF, lat. 9189, cartulaire 2 de l’abbaye Saint-Pierre de Lézat