Confirmation par Gaillard de Benque, fils de Raimond-Bernard, de la donation du droit de dépaissance sur toute sa terre faite par Héliane de Benque.
Notum sit omnibus hominibus hanc cartam audientibus vel legentibus quod domina Helianos cum voluntate et consensu Raimundi Bernardi de Bencha mariti sui dedit in perpetuum domino Deo et Sancte Marie Bonifontis et R. abbati et omnibus fratribus ejusdem loci presentibus atque futuris omnia herbaggia, ligna, folia, aquas, introitus et exitus et omne expletivum per universam terram suam ubicumque ex parte patris vel matris aut mariti sui habebat vel habere debebat aliquo jure sive aliquo ratione, ita ut predicti fratres habeant et teneant ad omnem utilitatem et voluntatem inde faciendam sicut melius dici vel intelligi potest ad predictorum fratrum utilitatem. Hujus rei sunt testes Fortanerius de Taurina, Augerius de Tula, canonicus Sancti Bertrandi, frater R. de Gosencs et P. Adorret, sacrista Bonifontis, et frater Geraldus, P. de Sparros et Augerius de Turre, milites, cujus consensu et voluntate hoc factum fuit anno Incarnationis Christi .M°.CC°.XXX°.II°. Item anno quo supra, noverint universi presentem paginam inspecturi quod Gualardus de Bencha, filius Raimundi Bernardi de Bencha, bono animo et bona voluntate absque ulla retentione, dedit domino Deo et Beate Marie Bonifontis et R. abbati per universam terram suam herbaggia, ligna, folia et omnia sicut suprarescriptum continetur. Hec omnia concessit jamdictus G. in claustro d’Aulon. Hujus rei sunt testes B. prior d’Aulon, et B. d’Aston sacerdotes et frater Geraldus et R. d’Aulon, miles. Lodovico rege Francorum, B. Convenarum comite, Grimoardo episcopo. Hoc est translatum quod scripsit frater Dominicus.
SAMARAN (Charles) et HIGOUNET (Charles), Recueil des actes de l’abbaye de Bonnefont en Comminges, Paris, 1970, n°289, p.132-133