Na Lazeiz des Barats donne à l’abbé Auger le casal de Villelongue, près de Durfort, qui était engagé pour 10 sous morlas.
Sciendum est quod na Lazeiz dez Baraz in bona et plena memoria sua ante omnes et supra omnes filios suos et filias suas donavit filio suo Willelmo de Maurencs unum casale a Durfort, quod casale vocatur de Villalonga casale et predictus Gillelmus de Maurencs bono animo et bona voluntate, bona fide et sine dolo pro se et pro omnibus successoribus suis presentibus et futuris misit in pignus Augerio, abbati Berdonarum et conventui ejusdem loci presenti et futuro totum ex integro predictum casale de Villalonga cum ingressibus et egressibus, aquis, pascuis et nemoribus, cum omnibus ad venatum pertinentibus et cum omnibus ad ipsum casale pertinentibus, pro LXX sol. morl., quos predictus Gillelmus de Maurencs persolvit a Samatan pro fratre suo Espan quem miserat in pignus, ut habeant et possideant hoc predictum casale integraliter predicti habitatores Berdonarum libere et quiete sine omni sua et suorum contradictione dum in pignere tenuerint. Et debet inde facere bonam et firmam garentiam de omnibus amparatoribus predictis fratribus Berdonarum. Terminus redimendi hujus pigneris est de martror en martror, expleitis foris, datis prius LXX sol. morlanor. fratribus Berdonarum ; hoc predictum pignus laudavit et audorgavit na Lazeis dez Baraz predicti Willelmi de Maurencs mater et priorissa Boniloci. Hoc predictum pignus laudavit et audorgavit Geraldus de Porastro, pro se et pro uxore sua Polonia, sorore predicti Willelmi de Maurencs. Hoc totum fuit factum et firmatum in manu et presentia Azemari de Deusadiuda, bajuli Vitalis de Montagud, comitis astaracensis, mandamento et assensu ipsius comitis. Hoc totum sicut predictum est, predictus Willelmus de Maurencs debet facere laudare Ispano de Maurencs fratri suo. Hujus rei testes sunt : Johannes, signarius, monacus Gemundi, Bernardus Willelmus de Sentclem, monachus Berdonarum, et frater Bernardus Descasso, conversus Berdonarum et Willelmus Petri, monacus Gemundi, qui hanc scripsit. Factum est hoc anno ab incarnatione Domini MCXCVIII, Philippo rege Francorum regnante, Vitali de Montagud, comite astaracense, Bernardo, auxiensi archiepiscopo.
CAZAURAN (Jean-Marie), Cartulaire de Berdoues, La Haye, 1905, n°456, p.322-323