Bernard des Barads et ses frères engagent à l’abbé Guilhem leur terre de Durfort pour 522 sous morlas.
Notum sit omnibus hominibus qui hoc audierint quod Bernardus dez Baraz et Arnaldus et Petrus dez Baraz, fratres ejus, per se et per omnes suos presentes et futuros miserunt in pignus monasterio beate Marie Berdonarum et Gillelmo abbati et omni conventui ejusdem loci, presenti et futuro, totum hoc ex integro quod habebant et habere debebant et aliquo modo ad eos pertinere videtur in castro de Durfort et in omnibus terminiis et pertinentiis ejus, in terris cultis et incultis, in hominibus et feminis, in serviciis, in quistis et usaticis, in pascuis et nemoribus et in aliis omnibus juribus et dominationibus quecumque ad eos aliquo modo pertinent et pertinere videnter pro D et XXII sol. morl., sicut superius scriptum est et melius et utilius dici et intelligi potest ad utilitatem domus et fratrum Berdonarum. Sic predicti impigneratores totum ex integro superius dictum impigneraverunt domui et fratribus Berdonarum pro predicta pecunia et debent inde facere bonam et firmam garentiam de omnibus amparatoribus fratribus Berdonarum. Et est sciendum quod illud totum quod fratres Berdonarum de predicto pignore perceperunt in quibuslibet rebus, predicti impigneratores dederunt illud totum in eleemosinam Deo et fratribus Berdonarum ita quod nullo jure divino vel humano possit fratribus Berdonarum aliquid computari in sortem. Terminus redimendi hujus pigneris est de martror en martror, salvo tamen jure et ratione fratrum Berdonarum. Factum est hoc totum et firmatum in manu domini Centulli, comitis astaracensis, qui debet inde esse bonus defensor de omnibus amparatoribus fratribus Berdonarum. Si tamen homines qui sunt vel fuerunt de villa et castro de Durfort in aliis villis vel in castris manserint et servire voluerint Bernardo des Baraz et fratribus suis serviant, eis si servire voluerint. Sed si laboraverint aliquid in toto territorio vel in pertinentiis de Durfort, faciant fratribus omnia servicia que debebant facere Bernardo dez Baraz et suis fratribus. Hujus rei sunt testes : Arsivus de Montesquiu et Giraldus de Marrencs et Giraldus, filius ejus et Petrus de Sobaian et Arnaldus de Bugar et Bertrandus de Panassac et Gillelmus de Elces et Gillelmus Arnaldus de Montaia et Brunus de Durfort et frater Vitalis, prior Berdonarum et frater Gasto et frater Arnaldus de Valla Cava et frater Arnaldus de Logorchano et frater Bernardus de Sancto Fausto et frater Arnaldus Gillelmus dez Baraz, monachi Berdonarum. Factum est hoc anno ab incarnatione Domini MCCXV, regnante Philippo rege Francorum, Gassielis, auxitano archiepiscopo, Centullo, comite astaracensis, Gillelmus hanc cartam scripsit.
CAZAURAN (Jean-Marie), Cartulaire de Berdoues, La Haye, 1905, n°454, p.320-321