Super hoc quod Adam de Tachi, miles, vendidit fratribus militie Templi duas partes quas habebat in quinquaginta duobus diebus fori per annum in castro Pruvini, in minagio et in proventibus ad minagium pertinentibus.
Stephanus, ecclesie Beate Marie in Valle Pruvini decanus, omnibus ad quos littere pervenerint, salutem in Domino. Noverit universitas vestra quod, cum Adam de Tachi, miles, haberet duas partes in quinquaginta duobus diebus fori per annum in castro Pruvini, in minagio et in proventibus ad minagium pertinentibus, idem A[dam], in presentia nostra constitutus, recognovit se fratribus milicie Templi [vendidisse], sub precio quadraginta et quinque librarum, in illis duabus partibus duos dies fori annuatim habendos in perpetuum, de residuo post quatuor dies, quod ipse A[dam] prius vendiderat etiam dictis fratribus. Et ipsi dederunt B., uxori dicti A[dam], viginti solidos, que hanc venditionem sepedictis fratribus benigne laudavit et concessit imperpetuum possidendam. In cujus rei testimonium presentibus litteris, ad petitionem utriusque partis, inpressionem sigilli mei apposui, anno gratie Mº CCº octavo decimo, mense decembri.
CARRIERE (Victor), Histoire et cartulaire des templiers de Provins, Paris, 1919, n°LXVI