Super hoc quod Petrus, miles, de Betum Basoches, dictus Juvenis, dedit in puram elemosinam fratribus milicie Templi Constan[ti]num cordubanarium de Betum Basoches, et Hersandam, uxorem ejus, cum omnibus heredibus ex eisdem exeuntibus.
Universis Christi fidelibus ad quos presentes littere pervenerint, Hamericus, christianitatis Pruvinensis decanus, salutem in Domino. Noverit universitas vestra quod, in nostra presentia constitutus, Petrus, miles, de Betum Basoches, dictus Juvenis, recognovit se dedisse, in puram et perpetuam elemosinam, Deo et fratribus milicie Templi Constantinum cordubanarium de Betun Basoches, Hersandam, uxorem ejus, et Emelinam, eorum filiam, qui sui erant homines de corpore, cum omnibus heredibus [ex] eisdem exeuntibus. Hanc autem elemosinam voluit et concessit coram nobis Mabilia, uxor Petri, militis supradicti. In cujus rei testimonium, ad petitionem dicti militis, presentes litteras sigilli nostri munimine fecimus roborari. Actum anno Domini Mº CCº XXº quinto, mense decembri.
CARRIERE (Victor), Histoire et cartulaire des templiers de Provins, Paris, 1919, n°LXIV