Super hoc quod Gaufridus de Broceia, miles, dedit fratribus milicie Templi in elemosinam quicquid juris habebat vel habere poterat in quadam petia terre site apud Poilechien, juxta granchiam dictorum fratrum.
Omnibus presentes litteras inspecturis, H[emericus], decanus christianitatis Pruvini, salutem in Domino. Noveritis quod, in nostra presentia constitutus, Gaufridus de Broceia, miles, recognovit se dedisse et concessisse, in puram et perpetuam elemosinam, fratribus milicie Templi de Pruvino quicquid juris habebat vel habere poterat in quadam petia terre site apud Plesetum Poilechien, juxta granchiam predictorum fratrum, quam petiam terre Petrus de Barra vendidit fratribus memoratis libere et pacifice imperpetuum possidendam. In cujus rei testimonium et munimen, ad petitionem partium, sigilli nostri apposuimus firmamentum. Actum anno Domini Mº CCº XXXº VIº, mense maio.
CARRIERE (Victor), Histoire et cartulaire des templiers de Provins, Paris, 1919, n°LXII