Super hoc quod abbas et conventus Sancti Petri Rabacensis quictaverunt et concesserunt fratribus milicie Templi Emelinam, uxorem Galteri de Pontisiaus
G[alterus], abbas Sancti Petri Rabacensis, universis presentes litteras inspecturis, salutem in Domino. Noverit universitas vestra quod nos, de assensu et voluntate conventus nostri, quictavimus et concessimus fratribus milicie Templi Emelinam, uxorem Galteri de Pontisiaus de Pruvino, que erat femina nostra de corpore, in perpetuum pacifice possidendam, pro Garnodo do Roilleiz, quem dicti fratres nobis et ecclesie nostre similiter quictaverunt et concesserunt in perpetuum pacifice possidendum. In cujus rei testimonium, presentes litteras sigilli nostri munimine roboravimus. Actum anno Domini Mº CCº XXXº, mense octobri.
CARRIERE (Victor), Histoire et cartulaire des templiers de Provins, Paris, 1919, n°LIX