ADAM, évêque des Morins, notifie le retrait fait par l’abbaye de Saint-Bertin, de la dîme de Broxeele, précédemment donnée en engagère à Gillebert de Haveskerque.
Adam, Dei gratia, Morinorum episcopus etc. Noverit universitas vestra quod decima de Brocsele, que Gilleberto de Haveskerke pro concambio quarumdam rerum, apud Ledersele, sive in vicinis parrochiis jacentium, ab ecclesia Sancti Bertini assignata fuerat, idem Gillebertus et filii ejus Balduinus et Gillebertus per manum nostram eidem ecclesie liberam reddiderunt et ab omni calumpnia in posterum quitam clamaverunt. Et quia inter ecclesiam Sancti Bertini et predictas personas, de concambienda eadem decima frequenter sermo habitus fuerat, et idem laici aliquando annuos redditus XXV librarum et aliquando plus requisierant, ecclesia predicta a peccato et scandalo volens liberari et in posterum paci sue providere, centum marcas flandrenses, quibus predictam decimam invadiaverat sepedictis personis, quitas clamavit, et insuper ducentas marcas flandrenses de paiement dedit, licet sciret decimam nequaquam tantum valere, ac per hoc sepedicte persone de assignatione reddituum viginti librarum quas aliquando requisierant pro decima concambienda ecclesiam quitam clamaverunt etc. Actum anno Domini Mº.CCº. sexto decimo, mense decembri.
HAIGNERE (Daniel), Les chartes de Saint-Bertin, t. 1, Saint-Omer, 1886, n° 542.