JEAN, évêque des Morins, confirme la donation de la dîme et du terrage de Fléchinelle, faite à l’abbaye de Saint-Bertin par Robert de Lannoy.
Johannes, Dei gratia, Morinensis episcopus, omnibus etc. Noverit universitas vestra quod Robertus de Alneto, miles, filiis suis presentibus et assentientibus, per manum domini sui, domini Hugonis de Felchin, hominis nostri, nobis ad opus ecclesie Sancti Bertini in elemosinam dedit totam decimam et terragium que in parrochia de Felchinel idem Robertus a predicto Hugone in feodum tenebat, qua elemosina, abbas et fratres Sancti Bertini, per manum nostram accepta, ad petitionem ipsorum, eam ecclesie sue habendam perpetuo pontificali auctoritate confirmamus, et quod pia devotione gestum est ratum manere volentes, sigilli nostri munimine roboramus. Actum anno Domini millesimo ducentesimo decimo, mense octobri.
HAIGNERE (Daniel), Les chartes de Saint-Bertin, t. 1, Saint-Omer, 1886, n° 506.