Odo, duc de Bourgogne, fait savoir que Guido Albus, chevalier de Marigny, et son frère Dodo, ont accensé à l'abbaye de Cîteaux une terre située dans le territoire appelé Li Faex.
Ego Odo dux Burgundie notum facio tam presentibus quam futuris quod Guido Albus miles de Marigne et Dodo frater eius et comparticipes eorum scilicet Jeremias miles, Arnulfus clericus et Odo frater eius ascensiverunt domui Cisterciensi sub annuo censu centum solidorum Divionensium terciam partem territorii quod dicitur Li Faex iure perpetuo possidendam excepta terra illa quam predicti Guido Albus et Dodo frater eius ascensiverant priori de Gilleio sicuti divisa est. Quod videlicet territorium incipit ex parte una a rivulo qui dicitur Chardenez qui egreditur de quodam parvo nemore quod dicitur Vichez et est iuxta Arbueriam qui rivulus descendit in torrentem qui dicitur Aneez qui est terminus territorii de Esparnai et de Savoogis et de Corcellis et territorii huius. Ex parte Britenni incipit a chimino et tendit per viam que dicitur Fesches ad mediam marciam que dicitur Marcia fratris Herberti et inde protenditur ad quandam fossam qua dividit terram prioris de Gilleio et territorium istud et a fossa illa tendit per aliam marciam que est in medio agrorum ad quandam quercum curvam que est iuxta viam que tendit a Villabichet versus Gemigne. Ex altera parte est terminus eadem via a prefata quercu curva usque ad mediam marciam que est iuxta haiam de Villabichet et tendit per ipsam mediam marciam et per iuxta pirum que est in medio agrorum ad rivulum qui incipit subtus ipsam pirum et descendit in torrentem qui currit in Voogiam et dividit territorium istud et territorium de Villabichet. Ex parte Cistercii est terminus via de Villabichet ad Forgiam. Preterea milites prenominati ascensiverunt Cisterciensibus terciam partem territorii quod extenditur a via que tendit ad Forgiam usque ad veterem Voogiam sub annuo censu duorum solidorum Divionensium et unius sextarii annone cuius media pars erit frumenti et media avene. Habuerunt autem prefati milites pro intragio utriusque terre a Cisterciensibus sex milia solidorum Stephaniensium et canonici de Vergeio qui quartam partem habebant in illo territorio hoc ipsum laudantes habuerunt XLVII libras Stephaniensium. Supradictus vero census reddetur in martio. Et sciendum quod non poterunt censum istum nec ipsi nec successores eorum dare in elemosinam nisi Cisterciensibus nec vendere nec invadiare nec concambire nec aliquo modo a se ipsis alienare nisi Cisterciensibus si tamen ab eis premoniti Cistercienses sibi voluerint retinere. Tenentur autem predicti milites terram illam domui Cisterciensi contra omnes homines garentire. Harum quidem omnium conventionum fideiussores et fideles responsores ad petitionem ipsorum militum domui Cisterciensi me et successores meos constitui hoc modo quod si ipsi milites vel successores eorum has conventiones non tenuerint vel aliquo modo violare temptaverint ego et successores mei faciemus eos et successores eorum tenere et firmiter observare. Hoc totum laudavit Willermus dominus Marigne de cuius casamento predicti milites Guido Albus et Dodo frater eius ipsam terram tenebant et pro hoc ipso habuit idem Willermus XX libras Stephaniensium coram his testibus : Pontio cellerario Cistercii, Audone socio eius, Nicholao grangiario Cistercii, fratre Garnerio mercatore, Guidone Teillefer, Haymone Laffree. Hec omnia laudavit Regina uxor Guidonis Albi que habuit inde duas vaccas et filii eorum Huo, Johannes, Guido, Thomas et filia eorum Hermengardis hoc laudaverunt coram his testibus qui interfuerunt : Humberto priore et Hugone monacho de Buxeria, Nicholao grangiario Cistercii, Fromundo fabro, Hugone munnerio, Uldrico opilione, conversis Cistercii, Girardo decano de Marigne, Guidone Taillefer, Willermo Maltalent, Guidone Garoz et Rainaldo filio eius, Girardo preposito de Marigne. Hec omnia laudavit comitissa soror Dodonis Albi et uxor eius Pentecostes que habuit inde duas vaccas et filius eius Willermus et Gertrudis filia eius hoc laudaverunt coram testibus qui interfuerunt laudationi Regine uxoris Guidonis Albi. Hec laudavit Tecelina uxor predicti Jeremie que habuit inde vaccam unam coram his testibus : Pontio cellerario, Nicholao grangiario, monachis Cistercii, Haymone magistro de Tarsule, Guidone Albo, Huone filio eius, Dodone Albo, Girardo preposito de Marigne, Guidone Borrel de Ysora. Hoc omne laudavit Borras filius iam dicte Teceline et Hugo miles de Fange gener eiusdem Teceline coram his testibus : Pontio cellerario, Nicholao grangiario, Willermo petrario, monachis Cistercii, Galterio presbitero de Montellet, Servo Dei presbitero de Savoogiis, Guidone presbitero de Marigne, Guidone Albo et Huone filio eius, Girardo domino de Polli, Engeranno de Bargis preposito. Hec laudavit Maria uxor Haymonis Borral que habuit inde XX solidos et filii eius Odo et Willermus et filia eius Gertrudis hoc laudaverunt coram his testibus : Nicholao grangiario Cistercii, Dominico pellitario converso Cistercii, Galterio famulo de domo Cistercii, Hugone cementario de Fixe, Dominico Effreez, Viardo Pestel milite, Guidone clerico. Hoc laudavit Agnes uxor Hugonis de Fange que habuit inde vaccam unam et filii eius Stephanus et Guido et filia eius Falca hoc laudaverunt coram his testibus : Nicholao grangiario Cistercii, Galterio Tardif converso Cistercii, Forres de Orsens, Othone de Basse, Rollando de Pagne, Milone filio Haymonis Borni, Radulfo mercennario predicti Hugonis. Hec laudavit Theobaldus qui habuit inde a Cisterciensibus XXX solidos et uxor eius Aalis que habuit inde vaccam unam. Hoc omne laudaverunt filii eius Petrus, Hugo, Willermus, Pontius et Guido. Hoc omne laudavit Agnes filia ipsius Aalis ex primo marito videlicet Petro Aschiri coram his testibus : Nicholao grangiario Cistercii, Dominico pellitario converso Cistercii, Johanne mercatore de Firmitate, Balduino milite de Castellione, Martino et Robino fratre suo famulis Cistercii. Ut autem omnes supradicte conventiones et laudationes cunctis in posterum diebus firme permaneant et inconcusse a me et a successoribus meis manutenende petitione et voluntate predictorum militum videlicet Guidonis Albi et Dodonis fratris eius et aliorum comparticipum eorumdem presentem cartam ipsas conventiones et laudationes prout geste sunt continentem sigilli mei impressione munivi et confirmavi. Huius rei testes sunt : Pontius cellerarius et Audo socius eius, Nicholaus grangiarius, Henricus de Aceas, monachi Cistercii, Garnerius mercator, Dominicus pellitarius, Robertus de Roura, Cristianus magister opilionum, conversi Cistercii, Willermus dominus Marigne, Guido Garoz, Haymo Laffreez, Odo Chassot miles, Bartholomeus miles de Charmai, Willermus de Vareis, Raynaldus Vigerius, Hugo Torcol, Humbertus de Ysora. Actum est hoc anno Incarnationis Dominice millesimo centesimo nonagesimo septimo.
Acte inédit. Transcription : Coraline REY.
original
A. Original, Dijon, AD Côte-d'Or, 11 H 1129 (Double exemplaire). — B. Copie XIIIe siècle, Dijon, AD Côte-d'Or, cartulaire 169, f. 65v-66r, n° 1. — C. Copie XIIIe siècle, Dijon, AD Côte-d'Or, cartulaire 168, f. 73r-74r, n° 1.
on
Voir son double conservé dans la même liasse.
Les autres actes de la même liasse, datés également de 1197, présentent les mêmes protagonistes.
L'anlayse du XVe siècle remploie celle du XIIIe siècle.
Acte décrivant les limites du territoire.
Approbations de nombreux alliés et témoins.