LOUIS-LE-DÉBONNAIRE AUTORISE LES MOINES DE SAINT-GERMAIN D’AUXERRE A PRENDRE UN ABBÉ PARMI EUX.
L’empereur rapporte que l’abbé de Saint-Germain lui représenta que son prédécesseur nommé Deusdedit, avait obtenu de sa bonté la permission pour ses moines d’élire leurs abbés, mais que le privilége s’en est perdu. C’est pourquoi il a voulu le renouveler et qu’il accorde de nouveau aux moines le droit d’élection.
In nomine domini Dei et salvatoris nostri Jesu-Christi, Ludovicus divina repropitiante clementia imper. augustus. Si petitionibus servorum Dei justis et rationabilibus, quas majestatis nostræ auribus insinuaverint, divini cultus amore favemus, illius misericordiam nobis propensius conciliandam omnino confidimus. Quapropter notum esse volumus cunctis fidelibus sanctæ Dei ecclesiæ et nostris, præsentibus scilicet et futuris, quia Christianus venerabilis abbas monasterii sancti Germani confessoris Christi, quod est situm in suburbio Autissiodorensium, adiens serenitatem culminis nostri, suggessit mansuetudini nostræ antecessorem suum abbatem, Deus-Dedit vocabulo, nostram jamdudum petivisse clementiam, ut nostræ auctoritatis præcepto licentiam sibi monachisque in eodem monasterio sub suo regimine degentibus daremus, abbatibus more humanæ fragilitatis decedentibus, ex semetipse secundum S. Benedicti regulam eligendi abbatem: nosque ejus rationabilibus precibus annuentes, non solum eamdem licentiam ob divinum amorem tribuisse, sed nostro imperiali præcepto eam denuo confirmasse. Sed quoniam, quibusdam emergentibus adversæ partis turbinibus, idem nostræ confirmationis scriptum nobis fideliter obediendo excidisse, seque amisisse professus est; humillimis precibus nostræ supplicavit clementiæ, ut memoratam auctoritatem nostri favoris benignitatisque abundantia rescriptam recipere mereretur. Cujus supplicationes dignas ac rationabiles judicantes, aurem illi accommodare libuit; et idcirco hos nostræ auctoritatis apices circa memoratum Christianum abbatem ac monachos in sæpedicto monasterio S. Germani confessoris Domini per tempora labentia sub regulari habitu degentibus fieri darique decrevimus: per quos præcipimus atque jubemus ut, quandocumque quispiam abbatum ejusdem monasterii divina vocatione rebus humanis excesserit, licentiam habeant ex semetipsis, si talis inter eos inveniri poterit, qui eis secundum regularem ordinem præesse valeat et prodesse, abbatem eligere: quatenus regularis ordinis normam ejus sanctissima administratione integerrime conservantes, immo adimplere studentes, pro nobis, conjuge, proleque nostra, ac stabilitate et pace totius imperii a Deo nobis commissi attentius eos quietiusque Domini misericordiam indefessis precibus exorare delectet. Et ut hæc nostræ præceptionis auctoritas nostris et successorum nostrorum temporibus inviolabilem et inconvulsam obtineat firmitatem, manu propria nostra subter eam firmavimus, et anuli nostri impressione assignari jussimus. Data IV kalendas augusti, anno Christo propitio vigesimo secundo imperii domni Ludovici piissimi augusti, indictione XIII. Actum Luco villa in Dei nomine feliciter. Amen.
QUANTIN (Maximilien), Cartulaire général de l'Yonne, Recueil de documents authentiques pour servir à l'histoire des pays qui forment ce département, publié par la Société des sciences historiques et naturelles de l'Yonne, Auxerre, Perriquet, 1854-1860, tome 1, p. , n° XXIII.
cartulaire
Auxerre, BM, cartulaire de Saint-Germain (anc. n. 140), fol. 24, 2e col.