CHARTA QUA BERNARDUS DAT MONASTERIO CLUNIACENSI PRO SE ET PRO FILIO SUO NUTRIENDO RES SUAS IN VILLIS KAVARIACO ET MASERIACO.
Bernardus donne à l'abbaye de Cluny plusieurs biens situés dans la villa Kavariaco et à Maseriacum, au pagus de Lyon.
Notum sit omnibus fidelibus christianis presentibus et futuris, quod ego Bernardus, divina inspiratione conpunctus, pro salute animæ meæ, seculum deserere cupiens, talem donationem de bonis meis quæ mihi jure hereditario subvenerunt facio, statuo et confirmo. Dono namque Cluniacensi monasterio, in quo me propter timorem futuri juditii et propter amorem cælestis patriæ, seculo renunciare velle profiteor, fratribus ejusdem monasterii perpetuo tenendum ac possidendum, hoc quod hæc carta in subsequenti continet: apud villam Kavariacum, quæ sita est in Lugdunensi pago, unam mansionem cum vinea quæ eidem adjacet mansioni, pratum unum, partem unius agri, in quo potest unum sestarium seminari, quintam partem unius silvæ; apud Maseriacum insulam unam. Quæ omnia dono sancto Petro in cujus honore illud constructum est monasterium, fratribusque Deo inibi servientibus, pro animabus parentum meorum et pro me, necnon et pro parvulo filio meo adhuc, si Deus voluerit, monacho futuro, addita super tali conditione pro predicto puerulo, ut interim a monasterii stipendiis nutriatur, donec ad etatem eam pervenerit qua in monasterio recipi valeat; et quicunque prenominata terra monasterio fraudem facere voluerint, deleantur de viventium libro et cum justis non scribantur. Facta est autem hæc donatio, regente hoc idem monasterium domno Hugone abbate, laudantibus et confirmantibus eodem ipso Bernardo preposito, Ainardo, Robpoldo.
BERNARD A., BRUEL A., Recueil des chartes de l'abbaye de Cluny. Tome 4 : 1027-1090, Paris, Imprimerie nationale, 1888, p. 300-301, n° 3136 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1498, cartulaire B, chartes de l'abbé Hugues, p. 296, CCXCVII.
4825
Numéro CBMA : 4557
La seule indication de date que comporte cet acte est l'abbatiat d'Hugues Ier de Semur [1049-1109] ; cf. Bernard et Bruel, t. 4, p. 192, n. 1.