CHARTA QUA PETRUS DAT MONASTERIO CLUNIACENSI QUATUOR VINEAS IN VILLIS DUMBINAS, CARINIACO, VILLARIO ET CYROSCO.
Petrus donne à l'abbaye de Cluny des vignes situées dans les villae Dumbinas, Cariniaco, Villario et Cyrosco, au pagus de Mâcon.
In nomine Dei summi. Noverint cuncti tam presentes quam etiam futuri, quod ego Petrus, pro remedio animæ meæ, dono Deo et sanctis apostolis ejus Petro et Paulo, et ad locum Cluniacum, cui preest domnus Odilo abbas, aliquid de rebus meis quæ sunt sitæ in pago Matisconensi, in villa Dumbinas: hoc est unam petiolam de vinea, quam ego conquisivi de Ansaldo. Hæc habet terminationes de omnibus partibus terra Sancti Petri: ut faciant rectores loci illius quicquid facere voluerint; in tali tenore, ut si aliqua persona contraire hanc donationem voluerit, aut illam faciam tacere, aut si non potuero, componam vobis aliud tantum. Et in villa Cariniaco, unam vineam quam conquisivi de Sismaro, valentem solidos XII, usque in diem solutionis; et in villa Villario, alteram vineam quam conquisivi de Celestio, valentem solidos III, usque in diem solutionis; et in Cyrosco, aliam vineam quam conquisivi de Gauzelmo, valentem solidos IIII, usque in diem solutionis. Ista vero carta firma et stabilis permaneat, stipulatione subnixa. Actum Cluniaci. S. Petri, qui hanc donationem fieri et firmare rogavit. S. Clementis. S. item Clementis, Bernardi, Aldrici, Anserii. Data mense maio, regnante Hugone rege. Pontius scripsit.
BERNARD A., BRUEL A., Recueil des chartes de l'abbaye de Cluny. Tome 3 : 987-1027, Paris, Imprimerie nationale, 1884, p. 192, n° 1979 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1498, cartulaire B, chartes de l'abbé Odilon, p. 237, CCXXXV.