Saint-Guilhem-le-Désert (abbaye Saint-Sauveur de Gellone)
après 1031/02/02 - avant 1300
dimanche
Lodève
charte
non suspecté
DONATIO MANSI UNIUS, IN VILLA MURO VETULO, AB INGELENO ET UXORE PONCIA FACTA
Ego, in Dei nomen, Ingelenus et uxor mea nomine Poncia, cogitantes de Dei misericordia, et defuturo regno salutis, sperantes nos in futuro a Domino Deo salvari, ideoque donamus Sancto Salvatori Gellonensis, et ligno Sancte Crucis, Sanctoque Wilelmo, filium nostrum Petrum, cum hereditate sua; et est ipsa hereditas in commitatu Substantionensi, in villa quam vocant Muro Vetulo, mansum unum, ubi Stephanus visus est manere, cum omnes adjacentias, cum cultis et incultis, quantum ad ipsum mansum pertinet vel pertinere videtur; et ipse mansus dat censum, id est: unum porcum de duodecim denarios, et unum multonem, et duos agnos, et quinque denarios, et unam saumadam de ligna; in tali ratione donamus, ut in communia monachorum omni tempore fiat. Quod si abbas aut monachi de communia abstrahere voluerint, aut ullus homo, seu qualiscumque persona, contra hanc donationis cartam, aliquid contrarium molitus fuerit, divinis benedictionibus privatus, omnibusque maledictionibus deditus, eterno igni in perpetuum sine fine ardeat.
Facta carta ista hujus donationis, feria prima, quarto nonas febroarii, regnante Aianricho rege. Et ut inantea firma et stabilis hujus donationis nostre pagina omni tempore permaneat, ego Ingelenus, qui eam scribere jussi, manu propria firmavi, firmarique testibus rogavi. — Ingelenus, t. — Poncius, t. — Fulco, t.
ALAUS (P.), CASSAN (abbé), MEYNIAL (E.), Cartulaires des abbayes d'Aniane et de Gellone, Montpellier, 1898, p. 68-69, n° 76