Don par Héliane de Benque, avec le consentement de Raimond-Bernard, son mari, du droit de dépaissance sur toute sa terre.
Notum sit omnibus hominibus hanc cartam audientibus vel legentibus quod domina Helianos, cum voluntate et consensu Raimundi Bernardi de Bencha, mariti sui, dedit in perpetuum domino Deo et Sancte Marie Bonifontis et Raimundo abbati et omnibus fratribus ejusdem loci presentibus et futuris erbaggia, ligna, folia, aquas, introitus et exitus et omnem expletivum per universam terram suam ubicumque ex parte patris vel matris aut mariti sui habebat vel habere debebat aliquo jure sive aliqua ratione, ita ut predicti fratres habeant et teneant ad omnem utilitatem et voluntatem domus Bonifontis inde faciendam. Hujus rei sunt testes Fortanerius de Tauriniacho, Augerius de Tulha, canonicus Sancti Bertrandi, frater Raimundus de Gosencs et frater Petrus Adorret, monachus et sacrista Bonifontis, et frater Geraldus qui hanc cartam scripsit. Petrus de Sparros et Augerius de Turre, milites, cum quorum consensu et voluntate hoc factum fuit. Anno Incarnationis Christi .M°.CC°.XXX°. secundo, Lodovico rege Francorum regnante, B. Convenarum comite, Grimoardo episcopo. Magister Arnaldus de Mariniaco hanc cartulam translatavit.
SAMARAN (Charles) et HIGOUNET (Charles), Recueil des actes de l’abbaye de Bonnefont en Comminges, Paris, 1970, n°288, p.132