Jean prévôt , A[dam] doyen, le chapitre cathédral de Cambrai
Vaucelles (abbaye Notre-Dame)
1197/08
conjecture
Cambrai
charte
non suspecté
Le prévôt Jean, le doyen A[dam] et tout le chapitre cathédral de Cambrai écrivent à Guillaume, archevêque de Reims, qui les avait chargés de trancher la querelle opposant à l’abbaye de Vaucelles le noble homme Jean Taisson à propos de droits sur le bois de Cateau-Cambrésis. Jean Taisson ne répondant jamais aux convocations, l’abbaye fournissant des témoins, c’est à elle qu’ils ont adjugé les droits disputés.
Reverendo patri et domino W[illelmo], Dei gratia Remorum archiepiscopo, sancte Romane ecclesie tituli Sancte Sabine cardinali, apostolice sedis legato, Johannes, Beate Marie Cameracensis ecclesie prepositus, A[dam] decanus et universum ejusdem loci capitulum, salutem et tam devotam quam debitam obedientie reverentiam. Cum inter fratres monasterii Valcellensis et nobilem virum Johannem Taisson super quadam possessione qua dicti fratres se diu gavisos fuisse in nemore de Novocastello, tam in lignis cedendis ad usus suos quam in pascuis asserebant, questio suborta fuisset, vestre placuit magnitudini causam ipsam nostre committere parvitati, compositione vel judicio terminandam. Partibus igitur ad nostram evocatis presentiam, que pacis erant in medio proponentes, pacem inter eos reformare diu laboravimus, conatus tamen noster condignum minime sortitus est effectum. Ipsis vero postmodum in presentia nostra ad experiendum constitutis, post multas altercationes de consilio prudentium virorum dictis fratribus productionem testium adjudicavimus, dictum monentes Johannem ut presens adesset in testes et in testimonia dicendi copiam habiturus, se tamen prout voluit absentavit. Ceterum nos, secundum formam juris procedentes, testes productos et juratos diligentissime examinavimus, attestationes ipsas in scripto, ut juris est, redigentes, prefatum quoque Johannem ad audiendas attestationes semel et secundo et tercio et quarto citari fecimus, qui tamen nec venire curavit nec mittere. Exinde memoratis fratribus in capitulo assistentibus, prefato vero Johanne vel aliquo pro se minime comparente, publicatis attestationibus cum dicta testium de possessione a tempore pie recordationis Camer[acensis] episcopi Nicholai suorumque successorum usque ad nos tam de cesione lignorum quam usu pascuorum usquequaque consona inventa fuissent, nos prescriptis fratribus rem ipsam prout ratio postulat et equitas adjudicavimus, pace tranquilla de cetero possidendam. Videat igitur vestre discretionis oculus quid super hoc sit agendum.
TOCK (Benoît-Michel), Les chartes de l'abbaye cistercienne de Vaucelles au XIIe siècle, Turnhout, 2010, n° 154, p. 223-224