Description
-
Marguerite de Lorraine, comtesse de Chiny, tante de Raoul, duc de Lorraine
-
Raoul, duc de Lorraine et marquis
-
Abbaye de Beaupré
-
Raoul, duc de Lorraine et marquis
-
Marguerite de Lorraine, comtesse de Chiny, tante de Raoul, duc de Lorraine
-
-
FRANCE, Nancy, Archives départementales de Meurthe-et-Moselle, H 374
-
Original sur parchemin, jadis scellé de deux sceaux sur lacs de soie
-
français
-
non suspecté
-
Lettre
-
Original
-
Marguerite de Lorraine, comtesse de Chiny, fait savoir qu'elle donne à l’abbaye de Beaupré pour le repos de l’âme de on père le duc Thiébaut (2), inhumé en cette abbaye, et de ses maris, Guy de Flandre-Namur et Louis (4), comte de Chiny, sur les deux cents livrées tournois que son neveu le duc Raoul lui avait données pour les employer en aumône, vingt livrées de terre à proximité de l'abbaye, notamment un bois ; les moines diront quatre fois par temps une messe du Saint-Esprit pour elle et après sa mort célébreront son anniversaire. Le duc confirme ce don, concédant de plus à l’abbaye le droit de faire garder le bois donné soit par ses gens, soit par ceux du duc et de percevoir les amendes pour lui comme pour les religieux ; en outre, il prend l'abbaye en sa garde.
-
01. Nous Marguerite de Lorrainne contesse de Cheny faisons savoir a tous que en faisant aulcun acort a hault home poissant et noble nostre
02. tres chier et amei signour et nevoul Raoul, duc de Loherrainne et marchis, nous aiens retenui pour nous et pour lou salut de nostre arme et de nos ancessours
03. et successours, dous cens livreez de terre a tournoix pour aumolneir et donneir pour Deu la ou nous voirriens qu'il appertenroit lez quelles nostres dis
04. sires et nies doit amortir et donneir lettres d'amortissement ad persones et eccleises ad quelz nous lez danriens a un chascun pour tel somme com nous
05. les vorriens donneir et aumolneir. Assavoir est que nous considerei et regardei lez aggreaubles servises et devols de Deu com font en l'eccleise de Belprei
06. un chascun jour pour lez mors et pour les vis, considerei et regardei aussi que la dicte eccleise de Belprei est la droite sepulture de nostre tres chier amei sire et peire
07. Thiebaul, duc de Loherrainne et marchis, qui fuit cui Deus faice bone merci, et de nos ancessours duchauls de Loherrainne, et est de lour fondation, nous pour Deu purement, et pour
08. l'onour de la benoite Virge Marie, pour l'arme de nous, pour l'arme de nostre tres chier et amei peire, pour les armes de nos chiers et ameis signours et compaignons
09. monsignour Guy de Flandres et monsignour Lowy conte de Cheny, nostre secont signour et compaignon, et aussi pour les armes de nos ancessours et successours, avons donnei et
10. donnons a la dicte eccleise de Belprei vint livreez de terre a tournoix, pour lez quelz nous avons assignei a la dicte eccleise de Belprei, per lou grei et per lou los de
11. nostre dict signour et nevoul, lou boix com dit La heix qui siet deleiz la dicte Belprei, entre lou boix com dit La Howerie qui est la dicte Belprei d'une part et la ville
12. com dit Fraimboix d'aultre part, tout entierement enci comme il estoit a nostre dict signour et nevoul, et la paxe tenant a la dicte Heix lez haies toutes entierement,
13. et lez bouxons que sunt avaul lez preis com dit Lez Anios en jusques a la reviere de Murt, sens riens ne aques a retenir a nous ne ad nostres tout ceu que nostres
14. dis sires et nevouls y avoit, lou quel boix nous avons eschaingié a nostre dict signour et nevoul contre vint livreez de terre a tournoix que nous aviens a Port.
15. Et cest dict don et aumolne avons nous fait a la dicte eccleise de Belprei pour Deu purement et pour lez armes dessus dictes, et avons priier et
16. requix humlement a religiouses persones l'abbei et lou convent de l'eccleise de Belprei dessus dicte que il wellent toute nostre vie entierement chanter quatre
17. messes chascun an dou Sainct Esperit, c'est assavoir une messe a un chascun des quattre temps de l'an pour nous et pour nos amis cui Deus wellet
18. governeir en cest siecle, et apreiz nostre decet faire nos anniversaires pour nous et pour les armes dessus dictes, la quel chose le dict abbes et convens nous ont ot-
19. -troiié devotement et graciouzement avec lez aultres promesses qu'il nous ont faites. Et pour ceu li dict religiou puissent muelx joir pasiblement en perpe-
20. -tuitei et a tous jours maix de l'aumolne dessus dicte, nous avons priier et requix, prions et requerons a nostre signour et nevoul Raoul duc dessus dict que cest
21. dict don et aumolne weullet loeir, aggraier, confermeir et amortir a la dicte eccleise de Belprei pour lui et pour ses hoirs a tous jours maix. Et nous Raouls
22. dus dessus dis, a la priiere et a la requeste de nostre amee tante Marguerite contesse de Cheny dessus dicte, et pour ceu que faire lou deveriens aussi par certai-
23. -nes covenences lez diz dons et aumolnes tout en la maniere com dessus est dict et deviseiz loons, aggraons, confermons et de certaine science
24. amortissons pour nous et pour nos hoirs lou dict boix, haiez et bouxons, et approprions a la dicte eccleise de Belprei ensi com lour propre heritaige de lour
25. fondation. Et lour en promettons laxier joir et faire joir et volons qu'il lou puissent gardeir et faire gardeir par cui qu'il lour plairait muelx ou de
26. nos gens ou dez lours, et volons que c'il lou faisoient gardeir par nos gens qu'il ne lour puissent pourteir prejudice qu'il ne lez puissent remueir quant
27. il lour plairait. Encor volons que li dict sergent que li dict religiou y meteront qu'il soient creu enci com li nostre et que lez amendes de tous ceaulz qui trou-
28. - vei y seroient meffaizant en soient leveez enci comme elles seroient de nos propres boix par enci que nous averons la moitié dez dictes amendes et li dict religiou
29. l'autre par cui qu'il lez faicent gardeir soit par nos sergens soit par lez lours. Et volons que li prevos qui pour lou temps serait en cui prevostei que la dicte eccleise de
30. Belprei seroit faicet la force de leveir lez dictes amendes tant pour nous com pour lez diz religious. Et aussi volons nous que tout lour aultre boix
31. ou qu'il soient qu'il ont ou averont dezous nostre poissance, qu'il lez puissent faire gardeir par cui qu'il lour plairait, et que li sergent qui lez wairderoient
32. soient creuz tout ensi et en la maniere com li nostre sergent seroient et toutes amendes leveez que nous en aiens la moitié si com dessus est dict et li dict
33. religiou l'autre. Et avec tout ceu avons nous retenui et retenons com sires souverains la dicte eccleise de Belprei, tous sez membres et tous lours biens per
34. tout ou qu'il soient en nostre saulve et especiaul garde. En tesmongnaige de veritei de toutes lez choses dessus dictes et pour ceu que fermes soient et estau-
35. -bles, nous Marguerite contesse de Cheny dessus dicte avons saellei ces presentes lettres de nostre grant seeil pendant. Et encor pour plux grant cer-
36. -tainnetei a avoir de toutes lez choses dessus dictes nous avons priier et requix a nostre tres chier amei signour et nevoul Raoul duc de Loherrainne dessus dict
37. qu'il weullet mettre son grant seeil en ces presentes lettres avec lou nostre. Et nous Raouls dus dessus dis a la priiere et a la requeste de nostre tres chiere
38. et amee tante Marguerite contesse dessus dicte avons mis nostre grant seeil pendant avec lou sien en ces presentes lettres en tesmongnaige de
39. veritei a la confirmation de toutes lez choses dessus dictes. Ceu fuit faict l'an de graice Nostre Signour mil trois cens quarante et un lou
40. juedi vigille sainct Baitremeul apostre en moix d'aoust. -
« Charte de la Heix et dez / [...] parmy les amez », « Six cent quatre-vingt ... », « Seconde [...] QQQ », XVIe s. ; « Lettres de XX livrées de terre [...] / ait doné », XIVe s. ; « Treize », XVIIe s.
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 257
-
[Vidimus] FRANCE, Nancy, Archives départementales de Meurthe-et-Moselle, H 374 (1519, d’après A)
-
Laura Gili-Thébaudeau ; Mathias Bouyer
Sigillography
-
non
-
Deux sceaux sur lacs de soie, perdus
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 21264 (transscript-480), http://telma.irht.cnrs.fr/chartes/en/transscript/notice/21264 (mise à jour : 22/10/2018).