Description
-
Jean (l’Aveugle), roi de Bohême et comte de Luxembourg
-
Clairefontaine, abbaye
-
-
-
Jean (l’Aveugle), roi de Bohême et comte de Luxembourg
-
-
-
-
-
-
BELGIQUE, Arlon, Archives de l’État, Fonds Clairefontaine, 145 (Cartulaire de Clairefontaine), f° 148r-149v
-
Copie dans cartulaire, XVIe s. (papier)
-
français
-
non suspecté
-
Charte
-
Cartulaire
-
Jean (l’Aveugle), roi de Bohême et comte de Luxembourg, fait savoir qu'afin d’établir une paix durable avec l’abbesse et le couvent du monastère cistercien de Clairefontaine, dans le diocèse de Trèves, il a concédé à ladite abbaye le droit de clôturer ses bois et fonds tout au long des périmètres de ceux-ci, à l’exceptions des entrées et des sorties des chemins qui relient les villages ; qu’il a établi des amendes de 60 sous et un denier de tournois, à payer moitié à lui, l’autre moitié au couvent de Clairefontaine, pour tous ceux qui provoqueront des dégâts dans les bois et les propriétés de l’établissement religieux, à l’exception des hommes qui appartiennent à l’abbaye, qui seront soumis à la basse justice de l’abbesse ; en outre, qu’il a conféré à l’abbesse de Clairefontaine le droit de nommer des garde-forestiers.
-
[ f°148r ]01. Nous Jehans, par la graice de Dieu rois de Behaignes
02. et conte de Luccembourch, faisons savoir a tous ceaus qui sont et qui
03. seront que nous, pour le salut de nous, de tous nos hoirs
04. et pour le remede de tres excellent et insuperables prences
05. monsignour et peire Henris, jadis empereur de Rome, avec
06. tous nous autres progenitours et successours, pour perdu-
07. -rable paix et aimable concorde entre nous, nous homes
08. et religieuses dames l’abasse et le covent de Cleirfontaines,
09. de l’ordre de Cystaies, en la dyocese de Treves,<sic> que tuit le boix,[ f°148v ]
10. li termes et li trefons qui partienent ausdites religieuses dames, de
11. une part, et marchissent a nos, nous homes et as villes vixines,
12. et les bans et les finaiges plus prochains qui marchissent as
13. dessusdis boix, termes et trefons, soient en teil maniere franchit, de
14. grace especials, come si apres s’ensit ; c’est assavoir que les dames
15. de Cleirfontaine desurdites puelent et poront tous les foies
16. et quantes foies que elle voront et poront faire clousseurs
17. de fosseis, sens murs et sens pallis, entours leurdis boix,
18. termes et trefons desurdis, de toutes pars et de tous costeis, sauf
19. ce que elle lairont les entreis et les ixues des chemins an-
20. -chiens qui vont, sont et ont esteis anchiement de villes et
21. autres. Et se ilh avenoit que acuns leur debatist ou contrediest
22. affaire clousure si comme dit est et deviseit, nous leur
23. garantiriens et feriens paisibles, et en deferiens la forche
24. de tous homes entierement comme sire souverain en cuy warde
25. que lesdites dames sont. Et est a savoir que, se acuns estoit
26. troveis et reprins damaige faisant ou fait en dis bois de
27. Cleirfontaines, en queles lieuz qui soit en nostredit conteit
28. de Luccembourch, en viviers, en ayewes et en ruxaies qui vienent
29. et sont dedens les boix, termes et trefons desusdis, il serat
30. tenus de paier sexante soulz et un denier de Tournois
31. pour l’amande ; et en serat li moitiet nostre, et li autre moitiet
32. lesdites dames de Cleirfontaines ; fours tant que les gens
33. apartenant a Cleirfontaines ou as manbres, soient de l’ordre ou
34. du sicle, qui damaiges y feroient, ne sont mie tenus, ne
35. ne seront, de payer les amendes dessusdites ; mais li abbaisse li
36. pugniret a sa volenteit, sauf tant de poine de corps y affe-[ f°149r ]
37. -roit, nous en ariens la haute justiche. Et est a savoir que
38. li abbaisse et covant devandit doient metre foresties es boix de-
39. -vandis, unc ou deus ou tant quie elle voront, et faire jurer
40. alerer de la foresterie que les boix, les aywes et les ruxaies
41. dessusdis warderont bien et loiaulment, et les mefaies raporte-
42. -ront a l’abbasse et a covant toutes les foies que li abbesse
43. en le requerat ; et seront creus lidis forestiers par leur sarment,
44. touit ensembles ou cescun par luy ; et doit estre a raport
45. unc de nous sergans, queil que li prevos d’Erlons y vorat en-
46. -voier et qui plus a point et plus aperilement vanrat a l’abbasse.
47. Et se il n’i estoit pour cu, ne lairoit mie li abbasse ou
48. cis qui seroit de part li oir les rapors desdis forestiers, et
49. de teilz rapors croyriens nous l’abasse ou celluy qui pour
50. l’abbasse l’aroit oyt. Et si est a savoir que, pour la raison
51. de cu que nous portons as amendes nous ne nous hoirs
52. apres nous ne poons ne ne devons riens clamer ou devansdis
53. boix de Clerefontaines es termes ne es trefons ne en sour-
54. -poix ne en paixons ne en autres reprinses, prouaiges
55. ne droits que on puist faire et avoir en bois ne ens
56. aywes dessusdis, ne assi mettre foresties ne oster. Et vo-
57. -lons et ottroions que toutes bestes qui troveie seront ens
58. dis boix en temps que paixons y arat ou en taillis
59. novailz, se acuns en y avuoit qui pour raisons dovroint
60. estre wardeis si longement quie droit et usaige dou pays
61. l’ensaignent, que chescune beste soit a douze parisis d’amende ;
62. et li foresties dessusdis en seront creus par leur sarment,
63. tout ensembles ou chescun pour luy, ensi comme ilh est dessus dit ;[ f°149v ]
64. ens queils amende nous avons la moitiet et lesdites dames
65. l’autre, si comme desus est deviseit es amendes des boix et des
66. aywes. Et pour toutes ces choses et ces convenanches desusdi-
67. -tes a tenir a tousjours maix fermement et loialment, ensi
68. comme elles sont desur devises et escriptes, avons nous Jehans,
69. rois de Behaiges et cuens de Luccembourch dessusdit, jureis et promis
70. en la main de l’abbasse desusdit a tenir et a faire tenir en-
71. -tirement, pour nous et pour nous hoyrs qui apres nous van-
72. -ront, sens maix alleir encontres par nous ne par autruy. En
73. tesmognage et confirmation desquelles choses nous a-
74. -vons mis le saelz de nostre royaulz maiesteit a ces presentes
75. lettres ; qui furent faites et donnees l’an de l’incarnation
76. nostre Signour mille trois cens trente owyt, la nuyt de la
77. Saint Bertremey apostre en moix d’aoust. -
-
-
-
-
-
-
H. GOFFINET, Cartulaire de l'abbaye de Clairefontaine (1163-1745), Arlon 1876, n° 163, p. 165-167
-
-
-
-
-
[Copie] BELGIQUE, Arlon, Archives de l’État, Fonds Clairefontaine, 146, f° 384-387 (copie notariée sur papier, XVIIIe s.)
-
[Copie] BELGIQUE, Arlon, Archives de l’État, Fonds Clairefontaine, 147, n° 145, f° 118v-120v (copie sur papier, notaire Pierret, XVIIIe s.)
-
Timothy Salemme
Sigillography
-
non
-
-
Informations
Document
Timothy
Salemme
(Université de Luxembourg), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 19963 (transscript-423), http://telma.irht.cnrs.fr/chartes/en/transscript/notice/19963 (mise à jour : 29/09/2018).