CONFIRMATIO ADE DE INSULA DE OMNIBUS QUE ACQUISIERAMUS SUB IPSO ANNO DOMINI Mº CCº SEXAGESIMO NONO
Je Adans de Lille, escuiers, fas savoir a tous ceus qui ces presentes lettres verront que je, pour estre parchonniers des biens fais de le maison nostre dame d'Oscans, ai otroie en pure et perdurable aumosne que il toutes les chozes que il ont acquises jusques au jour dui en quel maniere que che soit ou terroir de Sachi et es appartenanches, tiegnent quitement et en pais en main morte a tous jors, sauves les rentes acoustumees que eles me doivent, et avoec ce dou praage dou mares de Sachi que il en puissent user paisiument si comme il en ont use paisiument. Et a ces chozes tenir fermement a tous jours oblige je moi et mes hoirs. En tesmoignage de laquele choze je ai ces presentes lettres seelees de men seel. Ce fu fait en lan del incarnation nostre seigneur mil et cc et soissante IX, el mois de march.
PEIGNE-DELACOURT, Cartulaire de l'abbaye de Notre-Dame d'Ourscamp, de l'ordre de Cîteaux, fondée en 1129 au diocèse de Noyon, Amiens, 1865 (Mémoires de la société des antiquaires de Picardie. Documents inédits concernant la province, 6), n° 891, p. 537-538