Jean, abbé de Saint-Bertin, notifie que son abbaye a vendu au chapitre cathédral de Thérouanne la terre, les hôtes et les droits associés qu'ils avaient achetés à Guifrido Bacon
Johannes, dei patientia ecclesie Sancti Bertini minister humilis et ejusdem loci conventus, omnibus litteras istas inspecturis, salutem in domino. Noverit universitas vestra quod nos terram cum hospitibus apud Tervannam quam emimus a Guifrido Bacon et quicquid juris et dominii in predicta terra et supradictis hospitibus habebamus capitulo vendidimus Morinensi. Unde si quis in posterum predictum capitulum super eadem terra et eisdem hospitibus molestare presumpserit, nos ei garandiam legitimam super venditione illa, lege curie nostre et judicio hominum nostrorum portabimus. Quod ut ratum habeatur et firmum, presentes litteras scribi et sigillorum nostrorum appensione fecimus communiri. Actum anno domini Mº CCº decimo.
DUCHET (Th.) et GIRY (A.), Cartulaires de l'église de Térouanne, Saint-Omer, 1881, n° 124, p. 98-99.