L'abbé d'Hénin-Liétard, Jacques, et tout le couvent, s'engagent à attendre l'interprétation, par les définiteurs de l'ordre d'Arrouaise, du passage des statuts qui prévoit qu'en cas de vacance de l'abbatiat d'Arrouaise, l'abbé d'Hénin tient lieu d'abbé d'Arrouaise.
Uniuersis presentes litteras inspecturis, Iacobus, diuina permissione humilis abbas Hynniacensis totusque eiusdem loci conuentus, salutem in omnium salutari. Nouerit uniuersitas uestra quod cum inter nos ex una parte, et abbatem et conuentum Arroasie ex altera iamdudum esset contentio orta super quibusdam uerbis obscuris in quodam statuto comprehensis, quod uerbo ad uerbum expressum est in serie subsequenti, uidelicet, quod quamdiu ecclesia Sancti Nicholai Arroasie quoquomodo proprio patre orbata uacabit, locum interim abbas de Hynniaco tenebit1. Nos, conseruare uolentes ordinis unitatem et uinculum mutue charitatis, in hoc consensimus, mediantibus probis uiris, et consentimus quod nos, abbas Hynniacensis, secundum uerba dicti statuti, cum Arroasie uacare contingerit ecclesiam, admittamur nullum preiudicium propter huius admissionem ipsis et ecclesie sue Arroasie generando, donec prefata uerba locum tenebit in predicto statuto contenta, secundum ius et rationem, auditis prius et saluis rationibus ab utraque parte propositis seu proponendis, a diffinitoribus illius anni fuerint declarata, ita tamen quod propter declarationis moram, electio ipsorum seu ecclesie sue predicte, uel electione facta, abbatis confirmatio, benedictio et omnia alia que ad abbatem pertinent, nullo modo possint uel ualeant impediri, seu aliquo modo retardari, et dictam declarationem utraque pars tenebitur inuiolabiliter obseruare, et facta declaratione nos abbas Hynniacensis, cum ecclesiam Arroasie predictam uacare contigerit, in posterum admittemur, secundum quod a dictis diffinitoribus fuerit, ut promissum est, declaratum. In cuius rei testimonium presentibus sigilla nostra duximus apponenda. Datum in crastino beati Mathei apostoli, anno Domino MCC sexagesimo tertio.
TOCK (Benoît-Michel) et MILIS (Ludo), Monumenta Arroasiensia, Turnhout, 2000 (Corpus Christianorum, Continuatio Mediaevalis, 175), n° 353, p. 540-542