Notice de la donation que fait, en présence (in conspectu) d’Albéron [de Chiny], évêque de Verdun, Dudon de Dommartin, miles, à Dieu et aux frères de l’abbaye Notre-Dame de Lisle de tout ce qui de droit relevait de lui à Vaudoncourt.
In nomine sanctæ et individuæ Trinitatis. Notum sit omnnibus tam futuris quam presentibus quod Dudo, miles de Domno Martino, fratribus de Insula, Domino et sanctæ Mariæ foventibus, quicquid sui juris apud Vadonis curiam erat, pro salutem animæ suæ et antecessorum suorum, dederit, laudantibus hoc nepotibus suis, Petro et fratre suo, cum ceteris amicis suis et heredibus, promittens se nunquam deinceps pro hac re fratribus calumniaturum neque per se neque per quemlibet alium. Testes hujus rei sunt : Johannes archidiaconus de Karnai, Garinus cappellanus et clericus, Paginus nomine de Domno Martino, Milo advocatus de abbatia Sancti Mauritii, Hubertus de Rembercurt, Hugo de Griscourt. Actum est hoc anno ab incarnatione Domini millesimo centesimo quadragesimo nono, in conspectu domni Alberonis præsulis.