Louis VI, roi de France, accorde la protection royale à l’abbaye de Beaupré, qu’il libère de toute autorité séculière et dont il confirme les biens
In nomine Patris et Filii et Spiritus Sancti, amen. Ludovicus, Dei gratia Francorum rex, monachis qui habitant in monasterio Beate Marie de Prato in perpetuum. Munimentis ecclesiarum et religiosis maxime locis regia manus apponi debet. Sane elemosina et orationes fidelium redemptio animarum nostrarum est et perhennes divitie. Siquidem in pago et episcopatu Belvacensi monasterium de Prato, quod a domno abbate Urscampi Waleranno ad ordinem Cistercii nuper edificatum est, regie majestatis precepto munientes, locum ipsum cum appendiciis suis ab omni potestate seculari deinceps emancipatum, plena libertate donamus et presentis testimonio pagine confirmamus. Porro quecumque ipsi loco et eisdem fratribus de feodo et possessione regni et honoris nostri jam collata seu in posterum juste conferenda sunt, nos laudamus et venerabilis regine Adelaidis nostrique filii Ludovici, junioris regis, assensu, perpetua et inconcussa libertate tenenda concedimus. Actum anno dominice incarnationis millesimo centesimo tricesimo septimo, indictione quinta decima. Signum Ludovici regis. S. Adelaidis regine. S. Ludovici regis junioris. S. Radulfi Viromandorum comitis et dapiferi nostri. S. Willelmi buticularii. S. Hugonis constabularii. S. Hugonis camerarii. S. magistri Willelmi Maidunensis. S. Manselli notarii. S. Odonis medici. Data per manum Stephani cancellarii et Algrini subcancellarii
DUFOUR (jean), Recueil des actes de Louis VI, roi de France (1108-1137), t. 2, Paris, 1992, n° 389, p. 321-322