Foulque, abbé de Saint-Rémy de Sens, donne, pour la fondation de l’anniversaire de Félicie de Couture et de Lucie, femme de Gilbert de Saint-Florentin, un jardin situé près du ruisseau de Gravereau (à Sens), légué par ladite Félicie.
Fulco, Dei patientia, Beati-Remigii Senonensis abbas, omnibus presentes litteras inspecturis, in Domino salutem. Cum ex injuncto nobis officio pro defunctis Christi misericordiam expectantibus jugiter teneamur exorare, et hoc inter caritatis opera honestissimum reputetur a nobis precipue pro illis exorandum est qui nobis familiaritate juncti sunt, seu beneficiorum largitione, tamen ut a nobis penitus se absentet ingratitudo, et ut eorum quorum jam elemosinas in Christo recepimus in perpetuum vigeat memoria; palam volumus esse universis quod pro anniversariis defuncte Felicie de Cotura et Lucie, uxoris Gileberti de Sancto-Florentino, in ecclesia nostra singulis annis faciendis, conventui nostro ortum unum situm in censiva nostra prope ripam de Graverel, quem dicta Felicia, nomine elemosine nobis legavit, dedimus ad usum cene et in perpetuum concessimus possidendum. Ne quis autem huic institutioni facte de communi assensu totius capituli nostri de cetero obviare presumat, districte precipimus et sub anatamate prohibemus. In cujus rei memoriam et testimonium, presentem cartum sigillo nostro fecimus communiri. Actum, anno Gratie millesimo ducentesimo duodecimo.
QUANTIN (Maximilien), Recueil de pièces pour faire suite au Cartulaire général de l'Yonne : XIIIe siècle, Auxerre, Société des sciences historiques et naturelles de l'Yonne, 1873, p. , n° 114.
original
Auxerre, AD Yonne, fonds Saint-Pierre-le-Vif, Saint-Rémy de Sens, L. XIX.