Philippe-Auguste reconnaît que Guillaume, prévôt de Chablis, a donné, du consentement de la comtesse de Champagne, sa prévôté à Guillaume de La Chapelle, pour 7 ans. Le roi ajoute qu’après ce temps il n’y aura aucun droit sans la permission de la comtesse.
Ph., Dei gracia Francorum rex, noverint universi presentes litteras inspecturi, quod dilectus et fidelis noster Guillelmus, prepositus Chableiarum, preposituram suam de Chableiis, de assensu et volunte (sic) dilecti et fidelis nostre B., comitisse Trecensis, commisit Guillelmo de Capella, servienti nostro, tenendam in manu sua ab instanti Penthecostes usque in septem annos, salva custodia dicte comitisse quam habet in eadem villa et in prefata prepositura, et salvo gisto et jure suo in omnibus, et salvo eciam jure nostro quod ibidem habemus tam in procuratione quam in aliis; et sic idem Guillelmus eam preposituram cum pertinenciis suis recepit de mandato nostro usque ad predictum terminum custodiendum. Nos vero, nec prepositus Guillelmus, nec alius ex parte nostra occasione commissionis predicte in prefata villa, vel prepositura, poterimus aliquid reclamare et post prefatum terminum nec nos, nec Guillelmus de Capella, nec eciam aliquis alius ex parte nostra poterit preposituram illam habere, nisi de assensu et voluntate dicte comitisse. Actum, anno Domini Mº CCº XIº, mense aprili.
QUANTIN (Maximilien), Recueil de pièces pour faire suite au Cartulaire général de l'Yonne : XIIIe siècle, Auxerre, Société des sciences historiques et naturelles de l'Yonne, 1873, p. , n° 107.
Paris, Arch. Nat., Trésor des Chartes, J 254, n. 45.