CHARTA PERMUTATIONIS TERRARUM IN VILLIS ALANNARII ET FARGIAS INTER MONACHOS CLUNIACENSES, EX UNA PARTE, ET ANNONEM UXOREMQUE EJUS AZELLINAM EX ALTERA.
Anno, chevalier, et Azellina, son épouse, échangent avec l'abbaye de Cluny une terre et un courtil situé à la Fa, au pagus de Mâcon.
Placuit atque convenit inter domnum Odilonem, venerabilem abbatem, et domnum Vivianum ac reliquos fratres Clunienses, et inter quendam militem, nomine Annonem, et uxorem ejus Azellinam, ut quandam terram in loco scamii debuissemus ei scamiare, quod et fecimus: hoc est terram in villa Alannarii, quam vocant Vertam; et terminatur a mane terra Yppoliti, a medio die terra Girbaldi, a sero terra Franconis, a circio similiter terra Franconis. Infra istas terminationes, donamus eis hanc terram, Anni et uxori ejus, eo tenore ut quamdiu vixerint teneant et possideant, et post illorum discessum ad nos perveniat. In vestitura vero VIII denarios persolvant. Ipseque Anno et uxor ejus econtra donant nobis de sua hereditate in villa Fargyas, in agro Tysiaco, unum curtilum cum omnibus appendiciis suis, scilicet pratis, campis, silvis, farinario. Infra istas terminationes, nobis donant a die presenti et deinceps, ut teneamus et possideamus. Et ut hæc cautio firma permaneat, stipulatione subnixa, firmare ei tradimus et uxori ejus et omnibus propinquis ejus. Actum Fargias villa publice. S. Annonis et uxoris ejus Azellinæ, qui firmare rogaverunt. S. Eldeverti presbiteri, Adelrici, Bernardi, Girbaldi, Dominici, Narduini, Petri. Data mense maio, regnante Hugone. Pontius scripsit.
BERNARD A., BRUEL A., Recueil des chartes de l'abbaye de Cluny. Tome 3 : 987-1027, Paris, Imprimerie nationale, 1884, p. 195, n° 1983 (Collection de documents inédits sur l'histoire de France. Première série, Histoire politique).
cartulaire
Paris, BNF, n.a. lat. 1498, cartulaire B, chartes de l'abbé Odilon, p. 312, CCCX.