Ainard de Domène dit le vieux s'était opposé à la donation faite par Pons de Tournon, par ses frères et par sa mère de la dîme de Theys, arguant qu'il la tenait en fief. Il fut alors décidé qu'il recevrait en échange vingt sous.
Scire omnes Christianos volumus quod diu post donum illud quod Pontius de Turnone & fratres sui & mater monasterio de Domina fecerant decimi de Tedesio, cœpit dominus Ainardus Vetulus calumniare dicens quod de feudo suo esset. Quapropter hominibus suis non erubuit imperare ut de annona decimi de Tedesio unum modium acciperent; quodque fecerunt, nobis nescientibus. Inde dominus Arbertus qui tunc Prior erat ejusdem monasterii de Domina prædicta, prudentium hominum scilicet Morardi de Tedesio, Guigonis Chaserii, Roberti de Annonaio consilio, sic cum domino Ainardo placavit. Annonam ei dimisit, deinde viginti solidos ei dedit, ea ratione, ut calumniam istam perpetualiter finiret, & hoc prædictum decimum Domino Deo & sanctis apostolis Petro & Paulo sicut melius Prior & præfati milites intelligere potuerunt, donavit, eo modo, ut neque ipse neque uxor sua nec infantes sui ulterius in eo aliquid requirant. Hoc donum super altare sancti Petri sine dolo dominus Ainardus cum libro obtulit.
S. Drogonis & Pagani presbiterorum; Vuillelmi scolaris; Petri Castanci; Bernardi Girberti.
MONTEYNARD (Charles D.), Cartulare monasterii beatorum Petri et Pauli de Domina, Cluniacensis ordinis, Gratianopolitanae dioecensis, Lyon, 1859, n°216.