Donation faite par Déodat de Briols, curé de Gissac, et autres personnes de droits sur le mas de l’Albarède, sur le bois de Grauzou et sur une séterée de terre.
DE DONO DEODATI DE BRIOLS ET ALIORUM DE ALBAREDA
Anno ab incarnatione Domini M°C°LX°VIII°, ego Deodatus de Briols, capellanus de Gentiaco, et Bernardus, clericus, et Petrus, frater ejus, et ego Fidas, soror eorum, et ego Bernardus Begonis et ego Bego, frater ejus, nos ambo, nepotes predicti Deodati, nos omnes insimul, bona fide et sine inganno, pro amore Dei et remissione peccatorum nostrorum, donamus et laudamus et titulo donationis cum hac carta tradimus Deo sine omni retentione et monasterio Beate Marie de Salvanesc et tibi Pontio, abbati, omnique ejusdem loci conventui presenti et futuro, totum quod habemus et habere debemus in medietate mansi de Albareda quam vos habetis et tenetis, videlicet alodium, fevum, vicairiam, decimam et pascuam duobus porcibus et duobus collectoribus quam habemus in nemore Grausonis, et I sextairatam de terra quam habebamus ad fevodum apud Grausonem. Ista omnia predicta damus vobis integre et fideliter et, ut dictum est, absque omni retentione tam per nos quam per nostros, ut absque omni contrarietate habeatis et teneatis et possideatis in perpetuum. Pro hac donatione et laudatione dedistis nobis pro caritate X solidos Melgorienses ; et sciendum est quod nos supradicti, videlicet ego B[er]nardus, clericus, et Petrus, frater ejus, nos ambo juravimus super sancta evangelia predictam donationem, ut vobis firma et stabilis omni tempore permaneat. Testes hujus rei sunt : Petrus Berengerii de Gentiaco, Guillelmus Constantini, Deodatus Faber. Testes vero laudationis predicte Fidis sunt : Guillelmus de Serruz, Bernardus Textor, Deodatus Boverii. Laudationis vero Begonis sunt testes : Deodatus, capellanus de Gentiaco, Petrus Mannalas, Petrus Nigri de Sancto Affricano, Deodatus de Figac, sutor, et G. de Fragos. Sciendum est tamen quod ego Fidas predicta et ego Pontius, maritus ejus, accipimus in bona fide domum Salvaniensem et abbatem et fratres illius loci de omnibus supradictis donis, ut vobis semper illibata permaneant, et etiam dimittimus vobis omnes clamationes quas facere vobis poteramus ; et dedistis nobis de caritate II oves. Hujus rei testes sunt : Deodatus de Briols, capellanus de Gentiaco, Raimundus, presbiter, Pontius Stephani et Bernardus Petri, filius ejus, et P. de Ulmeiras.
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°291, p.232-233
cartulaire
Rodez, AD Aveyron, H(006) 001, cartulaire de l’abbaye de Sylvanès