Bertrand de Faragous et plusieurs autres personnes renoncent à leurs prétentions sur divers biens.
DE SOLUTIONE BERTRANDI DE FRAGOS ET ALIORUM
Anno ab incarnatione Domini M°C°LXVII, ego Bertrandus de Fragos et ego Raimundus, filius ejus, et ego Guillelmus et ego Berengerius et ego Petrus et ego Maria, uxor que fui Guillelmi de Fragos, et ego Poncius, filius ejus, nepos predicti Bertrandi, et ego Bertrandus, frater ejus, et ego Bernardus et ego Deodatus, nos omnes insimul, bona fide et sine inganno, pro amore Dei et remissione peccatorum nostrorum et absque omni retentione, solvimus Deo et monasterio Beate Marie de Salvanesc et tibi Pontio, abbati, omnique ejusdem loci conventui presenti et futuro, omnes clamationes et querimonias quas vobis faciebamus juste vel injuste vel facere poteramus in toto territorio de Grausone, sive in hedificio vel constructione molendini, sive in manso qui dicitur Albareda, sive in omnibus omnino causis ; et etiam damus vobis quicquid in his juris habemus et habere debemus, et de omnibus omnino querelis revertimur vobiscum in pace. Pro hac donatione et solutione et laudatione dedistis nobis de caritate XX solidos, ut firma et stabilis omni tempore permaneat.
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°287, p.229-230
cartulaire
Rodez, AD Aveyron, H(006) 001, cartulaire de l’abbaye de Sylvanès