Anselme, évêque de Laon, demande à l'abbé de Saint-Nicolas-des-Prés de recevoir dans son monastère un clerc du nom de Gilbert, qui lui a été spécialement recommandé par le pape.
De Gib[erto] clerico.
(Fol. 76) A[nselmus], Dei gracia Laudunensis episcopus, dilectis in Christo filiis abbati et conventui sancti Nicholai in Pratis, salutem in Domino. Licet ex injuncto nobis officio universorum clericorum nostre dyocesis curam et sollicitudinem gerere deberamus (sic), de illorum tamen provisione cogitare sollicitius nos oportet qui ecclesiasticorum reddituum sunt expertes, maxime cum domnus Papa hoc det nobis suis litteris in mandatis; igitur cum domnus Papa pro dilecto in Christo filio Girb[erto] clerico latore presencium ad nos direxerit scripta sua, precipiens ut ipsum in aliquo monasterio nostre dyocesis faciamus recipi in monacum et in fratrem, cum ipse in religione desideret Domino famulari, nos, auctoritate Domini Papa et nostra, vobis mandamus, rogamus et volumus in virtute obidiencie exhortantes, ut predictum Girb[ertum] benigne et sine aliqua difficultate recipiatis in monachum et in fratrem, eundem fraterna caritate in Domino amicabiliter pertractantes, tantum super hoc facientes quod non oporteat ut idem G[irbertus] propter defectum nostrum, immo pocius vestrum, ad sedem apostolicam revertatur; et contingat ad hoc aliquatenus vos compelli. Sed de necessitate virtutem et graciam facientes ipsum liberaliter admittatis, preces et mandatum nostrum, imo apostolicum, in hac parte taliter impleturi, ut de illata eidem G[irberto] a vobis gracia, vobis ad grates multimodas teneamur.
Datum die sancti Genebundi.
STEIN (Henri), Cartulaire de l'ancienne abbaye de Saint-Nicolas-des-Prés sous Ribemont, Saint-Quentin, 1884 (et dans Mém. soc. acad. des sc., arts, belles-lettres, agric. et industrie de Saint-Quentin, 4e sér., 5 (1883), p. 112-337), n° 100, p. 151-152.