Super hoc quod Henricus, comes Campanie, dedit Habranno de Pruvino, camerario suo, stallos in quibus fructus venditur
Ego Henricus, Trecensium comes palatinus, notum facio presentibus et futuris quod Habranno de Pruvino, camerario meo, dedi in augmento casamenti sui stallos apud Pruvinum in quibus fructus venditur, ubicumque sint inventi foro. Quod ut notum permaneat et ratum teneatur, litteris annotatum sigillo meo confirmavi, testibus domino Ansello de Triangulo, Garneto fratre ejus, Willelmo mareschallo, Girardo Eventato, Artaudo camerario meo, et Milone de Pruvino. Actum anno incarnationis Verbi Mº Cº LXXº VIIIº. Data Pruvini per manum Stephani cancellarii. Nota Willelmi
CARRIERE (Victor), Histoire et cartulaire des templiers de Provins, Paris, 1919, n°LVII