Description
-
Raoul, duc de Lorraine et marquis
-
Jean dit Wauthier de Toul
-
Raoul, duc de Lorraine et marquis
-
-
FRANCE, Nancy, Archives départementales de Meurthe-et-Moselle, B 623 n° 21
-
Original sur parchemin, jadis scellé sur double queue de parchemin
-
français
-
non suspecté
-
Lettre
-
Original
-
Raoul investit Jean dit Wauthier de Toul, de dix livrées de terre toulois en rentes sur Gondreville, lesquelles Husson, fils de feu Wauthier de Toul avait reçues en héritage de feu Wautrin Pigon, son frère, qui les tenait du duc, et avait vendues audit Jean, pour deux cents livres de petits tournois.
-
01. Nous Raouls, dus de Loherenne et marchis, faisons savoir a tous que estaublis en nostre presence en propre personnee pour ceu especialment
02. Hussons, filz mon signor Wautier de Toul chevalier jadiz, ait recognut et confesseit de sa bonne voluntei, sens force, que il pour lui et pour ces
03. hoirs a tousjours maix perpetuelment en heritaige ait vendut, quicteit et delaisiet, vent quicte et delaise par ces presentes lettres a Jehan dit
04. Wauchier de Toul et a ses hoirs se de lui defailloit deix livrées de terre a tullois que il avoit si comme il disoit chascun an en rentes
05. de Gondreville, a paier a la feste saint Remy on chief d’octembre. Les quelz li estoient escheues par la mort de Wauterin Pigon de Toul
06. son frere, qui les tenoit de nous en fié et en homaige si comme il le maintenoit ; et cest vandaige et quictance ait fait li dis Hussons
07. au dit Jehan et a ses hoirs pour le pris a la somme de douz cens livres de boins petiz tournois qu’il en ait eu et receu dou dit Jehan
08. en bonis deniers secz, bien compteis, bien nombrez, mis et convertis en son grant profit et dont il se tint pour bien solter et pour bien paiet par devant
09. nous ; des quelz deix livrées de terre desus dites, li dis Hussons c’est devestus en nostre main comme en main souverainne et nous ait proiet
10. et requis que nous en revestissiens et meissiens en possession le desus dit Jehan et que nous l’en repreinssiens a homme pour deservir
11. le fié tout en la meniere qu’il ci affiert. Nous, a la requeste dou dit Husson, le dessus dit Jehan avons envesti dez dites deix livrees
12. livrees de terre et l’en avons mis en corporel possession par la tradition de ces presentes lettres et l’en avons reprins a homme sauf nostre
13. droit et l’autruy ; lequel vendaige desus dit nous, comme sires et souverains, loons, aggreons, acceptons et confermons et bien est
14. fais par nostre grei et par nostre voluntei. Et ait promis li dis Hussons par la foy de son corp donnée corporeelment en nostre main en leu de
15. sairement et seur l’obligation de tous ses biens meubles et non meubles, presens et a venir, par tout ou qu’il soient, que contre le vendaige
16. et quictance desus dit par lui ne par aultres il n’irait, ne venrait, ne venir ne ferait, par nulle raison que soit a nul jour on temp
17. a venir ainsois emporterait bonne warentie et loyaul au dit Jehan et a ses hoirs de tous empaschement et de toutes obligations vers
18. tous et contre tous qui a jour et a droit vorroient venir selonc l’ux et la coustume dou paiis ; et ai renunciet en cest fait
19. li dis Hussons a toutes exceptions de mal, de fraude, de lesion, de circunvencion de deception oultre la moitié dou droit pris a l’excep-
20. -tion de la dite somme d’argent non eue non receue a ceu que la chose ne soit einsis faite comme desus est dit et a toutes aultres ex-
21. -ceptions quelconques tant de fait comme de droit escript et non escript qui en cest fait aidier et valoir li porroient i au dit Jehan ou
22. contre la tenour de ces presentes lettres grever et nuire et especialment au droit disant generaul renunciation nient valoir. En tesmoingnaige
23. de veritei et pour ceu que ce soit ferme chose et estauble nous Raouls dus desus dis a la proiere et requeste dou dit Husson avons
24. fait metre nostre seel en ces presentes lettres pendant, que furent faites l’an de grace Nostre Signour mil trois cens trente et trois, le
25. sabmedi aprés la feste dou Saint Sacrement. -
« Signum Remy de Parthes ».
-
« Lettres que Hussons, filz monsignor Wautier / de Toul, ait vendui a Jehan, / dit Wauthier de Toul, .X. / livréez de terre », XIVe s. et, d’une autre main, peut-être du XVe s., « sur Gondreville », « Les vendage confirmé / par le duc Raou / M. CCC. XXXIII. », XVIe s., « n°21 / Confirmations », XVIIe s.
-
H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque munici-pale de Nancy, 1902 (dact.), n° 53
-
[Cartulaire] FRANCE, Nancy, Archives départementales de Meurthe-et-Moselle, B 377 f° 182r (XVIe s. – d’après A)
-
[Cartulaire] FRANCE, Nancy, Archives départementales de Meurthe-et-Moselle, 379 f° 33v (XVIe s. – d’après A)
-
[Cartulaire] FRANCE, Nancy, Archives départementales de Meurthe-et-Moselle, B 379 f° 267v (XVIe s. – d’après A)
-
Laura Gili-Thébaudeau
Sigillography
-
non
-
Un sceau sur double queue de parchemin perdu
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 27259 (transscript-790), http://telma.irht.cnrs.fr/chartes/en/transscript/notice/27259 (mise à jour : 20/11/2018).