Description
-
Baudouin (de Luxembourg), archevêque de Trèves
-
Baudouin (de Luxembourg), archevêque de Trèves
-
Raoul, duc de Lorraine et marquis
-
Baudouin (de Luxembourg), archevêque de Trèves
-
Raoul, duc de Lorraine
-
-
Merzkirchen
-
FRANCE, Nancy, Archives départementales de Meurthe-et-Moselle, B 950 n° 8
-
Original sur parchemin (430 x 600 mm), scellé de deux sceaux sur double queue de parchemin (dont un perdu)
-
latin
-
non suspecté
-
Lettre
-
Original
-
Baudouin de Luxembourg, archevêque de Trèves, fait savoir qu’un accord est fait entre lui et Raoul, duc de Lorraine.
-
01. Nos, Baldewinus, Dei gratia Sancte Treverensis Ecclesie archiepiscopus, Sacri Imperii per Galliam archicancellarius, notum facimus universis quod cum dudum inter nos et nostram Treverensis ecclesiam ac antecessores nostros quamplures, ex
02. una, et magnificum principem Rodulphum, ducem Lothoringie, consanguineum et fidelem nostrum ducatumque suum predictum ac nonnullos suos progenitores Lothoringie duces, parte ex altera, gravium dissensionum, gwerrarum
03. et contentionum materie variis temporibus sint hactenus ventilate, specialiter ex eo quod castrum Siersperg cum juridictionibus suis et attinenciis universis ab antiquis retro temporibus a dicta nostra Treverensis ecclesia in feodum depen-
04. -dens pro ipsos Lothoringie duces in feodum recipi a dicte ecclesie archiespiscopis qui fuerunt pro tempore est neglectum. Item ex eo quod dicti duces partem castri Moncler, olim dicti Schyven, et vallis ibidem ville in Mar-
05. -ceto terre Sarkowie et Advocacie ibidem cum eorum juridictionibus et attinenciis universis quemadmodum predicti duces bona hujusmodi ab olim tenuerunt que libere ad ecclesiam pertinent treverensem jure feodali antiquitus devolu-
06. -to in ejusdem ecclesie non modicum prejudicium occupata diutius detinebant nosque dissensionibus hujusmodi sic durantibus ipsum castrum Siersperg ejus possessione per nos adepta in nostris tenuimus manibus tamquam ad nos et dictam
07. nostram ecclesiam feodali jure legitime devolutum quod per nos sumptuosis novis edificiis ac custodiis est munitum, predictum etiam castrum Moncler vallis ibidem Marcetum Sarkowie et Advocacia cum eorum
08. attinenciis et alia prout ea pretacti duces tenuerunt occupata certis die juridica et loco consueto super hiis per nos et dictum ducem communiter et precise prefixis nobis et dicte nostre ecclesie secundum jus, usum et consuetu-
09. -dinem patrie adjudicata fuerunt per quamplurimos comites, barones, nobiles et milites qui hoc facere poterant et debebant. Item ex eo quod dicti duces eorumque officiati et subditi nobis et dicte nostre ecclesie tam in personis
10. quam in rebus et bonis nobis subjectis multiplicia oppressionum, violenciarum et injurarium genera contra justiciam intulerunt ; nos eidem duci ut omium gwerrarum, contentionum ac dissensionum materia inter nos hinc
11. inde omnimode sopiatur et pacis vinculum irrefragabiliter reformetur, restituimus et dimisimus liberaliter bona omnia pre expressa. Ipse vero dux nobis ac dicte nostre ecclesie bona infrascripta, videlicet castrum et opidum
12. Sierk et Lummersvelt, Berris et dale Siersperg, Waldervengen et Vesperg dictam partem castri Moncler et vallis ibidem ville Marceti Sarkowie et Advocacie ibidem necnon omnia bona et feoda sua a Mar-
13. -ceto infra ubicumque sita cum universis et singulis eorundem bonorum dominiis, juridictionibus, districtibus, juribus, consuetudinibus, hominibus, castrensibus vassallis, fidelibus et subditis ac eorum pertinenciis quesitis et acquirendis
14. ad premissa spectantibus vel in ipsis consistentibus, presentibus et futuris, et que ad ea antiquitus quomolibet pertinebant de maturo ac deliberato suorum amicorum et fidelium consilio supportavit et in nostris manibus libere resig-
15. -navit que bona prout enumerata sunt. Idem duci ea a nobis recipienti sollempnitatibus consuetis et debitis adhibits in feodum contulimus et in hiis scriptis conserimus antiqua videlicet feoda secundum naturam
16. ipsorum ad jus, usum et consuetudinem ecclesie Treverensis nova vero secundum jus, usum et consuetudinem ducatus Lothoringie cum onere fidelitate, juramentis et serviciis in talibus feodis debitis de consuetudine et
17. de jure per ipsum et heredes suos Lothoringie duces quociens ecclesia Treverensis novum antistitem seu dictus ducatus Lothoringie novum ducem habuerint infra annum recipienda et tenenda in feodum perpetue ut est dictum. Et
18. bona promissa vel alia que ab ecclesia Treverensi ipse dux aut sui heredes predicti tenebunt vel habebunt alii vel aliis in toto vel in parte non infeodabunt nec alienabunt quomodolicet in futurum nisi in quantum jus et con-
19. -suetuo feodi pacietur. Preterea idem dux nobis ac dicte nostre ecclesie omne jus quod habet vel habere posset in castro Nurberg cum suis dominiis, juridictionibus et pertinenciis universis necnon actiones seu impetiones quaslibet super hiis sibi compe-
20. -tentes aut quovismodo competere valentes rite et rationabiliter cessit ac libere resignavit jus, actiones et impeticiones predictas in nos et dictam nostram ecclesiam totaliter et perpetue transferendo. Item dictus dux, pro se ac dicto suo ducatu,
21. pure et simpliciter renunciavit omnibus juribus, consuetudinibus, actionibus et impeticionibus sibi super castris Swartzenberg, Buschfelt, Motten sancti Wendelini et juridictione de Perie et Overlucken et infra cum eorum pertinentiis
22. universis ac alias usque in presentem diem occasione quacumque competentibus aut competere valentibus contra nos et nostrem ecclesiam Treverensem necnon omnibus et singulis litteris super premissis aut eorum aliquo confectis et si quas ipse dux aut
23. sui habent vel invenerint illis nullo modo uti debebunt sed eas nobis et nostre ecclesie illesas prout sunt tenentur tradere indilate. Et si que sint per quas premissis derogari posset illas decrevit ipse dux irritas et inanes omne jus, con-
24. -suetudines, actiones, impetiones et litteras hujusmodi in nos et dictam nostram ecclesiam transferens simpliciter et in totum. Item ipse dux et sui heredes predicti per se vel alios quos constringere [pe]tunt aliquo thelon vel pedagia in Moncler,
25. Waldervengen et infra levari vel recipi vel mercatores aut viatores vexari ab aliquo non permittent. Item non sinent clericos aut sudditos nostros quoslibet seu eorum bona nobis et nostre ecclesie Treverensis subjectos ra-
26. -tione advocatorum, communitatum comparticipum aut alia quavis occasione vel causa injuste dampnificari, capi, arrestari vel quomolibet impediri. Item permittent nos ecclesiam nostram judices ac prelatos quoslibet nobis sub-
27. -jectos juridictionem ecclesiasticam prout jure possumus in terris et dominiis suis ubique libere excercere prestando ad hoc si opus fuerit per se et suos auxilium brachii secularis. Item clericos et quascumque subditos nostros in eorum jure
28. fovebunt ac per se et suos a quorumlibet injuriatorum et invasorum defeodent insultibus suo posse presidio efficaci ac nos nobis subjectos aut alios quoscumque propellantes hujusmodi injuriatores, molestatores et invasores
29. seu alias nos et nostros juvantes impedient nec permittent quomodolicet impediri renuncians pro se ac dictis suis heredibus beneficio restitutionis in integrum et auxilio quolibet canonici et civilis juris necnon consuetudinum quarum auxi-
30. -lio per que vel per quas contra premissa vel eorum aliqua possent se aliqualibet juvare nobis ac dicte nostre ecclesie pro se et dictis suis heredibus bona fide promittendo et nichilominus sanctorum reliquiis per ipsum corporali manu sua tactis jurando
31. se omnia promissa et singula rata et inconvulsa fideliter et perpetue servaturos et quod numquam verbo vel facto, clam vel palam, directe vel indirecte per se vel alios contra premissa vel eorum aliqua quovismodo venient vel attemptent et si secus
32. […………] stud[….] posse bona fide infra mensem [e]fficaciter tene[nte]. Mediantibus igitur predictos ordinavimus, renunciavimus et in hiis scriptis renunciamus omnibus actionibus et impeticionibus nobis ac dicte nostre ecclesie contra
33. ipsos ducem et ducatum usque in diem confectionis presencium competentibus quovismodo, et omnium gwerrarum dissensionum et contentionum totali sublata materia simus cum ejsdem firme pacis vinculo omnino de concordati dolo
34. et fraude cessantibus in omnibus et singulis antedictis. In quorum omnem evidenciam et perpetuam firmitatem sigillum nostrum et sigillum capituli dicte nostre ecclesie Treverensis de cujus consensu omnia et singula premissa processerunt
35. presentibus sunt appensa et nos capitulum sepedicte ecclesie Treverensis recognoscimus omnia et singula premissa de nostro consensu processisse et in horum testimonium et robur sigillum nostri capituli una cum sigillo reverendi in Christo patris ac domini
36. nostri, domini Baldewini archiepiscopi Treverensis predicti hiis litteris duximus apponendum. Actum et datum in villa dicta Martini ecclesia prope Sarburg, Treverensis dyocesis, in ecclesia ibidem. Anno Domini millesimo trecentesimo tricesimo quarto, die
37. dominica post festum beati Martini episcopi que fuit dies XIII, mensis novembris. -
« Lettre de l’archevesque de Treves, de l’acort de lui / et de monseigneur le duc / 1334 », « R(egistrata), XIVe s. ; « 13 Nov(embre) », e s. ; « N° 8 Treves I », XVIIe s.
-
H. LEVALLOIS, Catalogue des actes de Raoul, duc de Lorraine, 1329 à 1346. – Nancy, Bibliothèque municipale de Nancy, 1902 (dact.), n° 83
-
H. C. SENCKENBERG (von), Selecta juris et historiarum tum anedocta, tum jam edita, sed rariora […], Francfort, 1734-1742, Fascicule IX : Septendecim diplomata et chartae lingua latina exarata ab anno I CC XL IV usque ad I CCCC LXXX IX, p. 459-463. En ligne : https://books.google.fr/books?id=AJoOAAAAQAAJ&pg. Dans l’acte édité par SENCKENBERG, Raoul est auteur de l’acte écrit et disposant de l’action juridique
-
J. FLORANGE, Histoire des seigneurs et comtes de Sierk en Lorraine, 1895 En ligne : https://books.google.fr/books/about/Histoire_des_seigneurs_et_comtes_de_Sier.html?id=sQdBAAAAYAAJ&redir_esc=y
-
[Copie] FRANCE, Paris, Bibliothèque nationale de France, Provinces françaises, Collection de Lorraine, vol. , 412 f° 17 (copie papier)
-
Laura Gili-Thébaudeau
Sigillography
-
oui
-
Deux sceaux sur double queue dont un perdu
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 23697 (transscript-522), http://telma.irht.cnrs.fr/chartes/en/transscript/notice/23697 (mise à jour : 22/10/2018).