Description
-
Raoul, duc de Lorraine
-
collégiale Saint-Georges
-
Jean Chantereil, curé de Saulxures
-
Jean, fils de Poirson de Nancy
-
Raoul, duc de Lorraine
-
-
FRANCE, Nancy, Archives départementales de Meurthe-et-Moselle, G 353 n° 1
-
Original sur parchemin, jadis scellé sur double queue
-
français
-
non suspecté
-
Lettre
-
Original
-
Raoul, duc de Lorraine, décide, à la prière des chanoines et du prévôt de la collégiale Saint-Georges, de ramener de vingt à treize le nombre de chanoines de la dite collégiale ; le nombre des prébendes sera ramené à quinze et quatre de ces prébendes seront converties en vicairies ; sur les vicairies des deux premières prébendes à vaquer, l'une sera attribuée à Jean Chantereil, curé de Saulxures, l'autre à Jean fils de Poirson de Nancy.
-
01. Nous Raoulz dus de Loheraine et marchis faisons savoir ai tous que comme ai lai priere et supplicacion de nos ameiz chapellains le prevost et le
02. chapistre de nostre chapelle de Sainct George de Nancey et pour l’aumentation des prevandes de nostre dite chaipelle nous aiens volui et ordinei en
03. restrengnant le nombre de vint chenoinnes que nous avons mis en nostre dicte chapelle au nombre de treze chenoinnes et de quinze prevandes dou consen-
04. -tement nostre amei cuzin l’evesque de Toul que les dous premieres prevandes que vacqueront dou nombre des dis vint chenoinnes qui ai present y sont soient
05. converties en quaitre vicairies perpetuees ensi comme ces chozes sont plus plennement contenue ez lettres de lai restreinte dou dit nombre seellees de nostre
06. seeil et des seeilz nostre dit cuzin l’evesque de Toul, de prevost et de chapitre. Saichent tuit que nous soffizamment enfourmeis des bones mours
07. de nos bien ameis le signour Jehan Chantereil curey de Sauxures prestre de Nancey et le signour Jehan fil Poiresson le chandelier de Nancey prestres et
08. pour ceu qu’il sont digne d’eistre proveu ai teil benefice et ai plus grand avons promis et promettons az dessus dis signour signour Jehan Chantereil et signour
09. Jehan fil Poiresson dessus nomei et ai chescun d’aulz que de lai seconde prevande que vacquerait en nostre dite chaipelle dou nombre des vint chenoin-
10. -nes qui ai present y sont nous comme patrons ai cui li donations et collations en apertient en provoirons et ferons proveor les dessus dis
11. signour Jehan Chantereil et signour Jehan fil le dit Poiresson et chescun d’aulz d’une vicairie perpetuelle les queiles vicairies seront et doient estre faites
12. de lai seconde prevande que vacquerait dou nombre des vint chenoinnes dessus dis ; et ai ceu faire volons nous que nos hoir ou successour duc de
13. Loheraine aprés nous se de nous defailloit ceu que Deus ne veulle devant lai vacation de lai dite prevande soient tenu dou faire quar nous ne volons
14. que nulz aultre soient proveu des dites dous vicairies fors que li dit sires Jehans Chantereilz et sires Jehans filz le dit Poiresson on cais ou il
15. viveroient quant li dite prevande vacqueroit et on cas qu’il aivanroit qu’il defaulroit de l’un d’aulz si comme de mort nous volons que li aultres soit
16. proveus, receus et institueis de lai dite vicairie on cas que li dite prevande vacqueroit en reservant l’aultre vicairie ai donneir ai cui qu’il nous plairoit.
17. Et s’il defailloit des dis signours Jehan Chantereil et Jehan fil le dit Poiresson si comme de mort devant ceu que li dite prevande vacquerait nous pour-
18. -riens donneir les dites dous vicairies ai aultres cui nous voulriens ou nostre hoir se de nous defailloit se mandons az dessus dis prevost et cha-
19. -pistre que dés maintenant receoissent les dessus dis ai lor vicairies attendans lai vaccation de lai seconde des dictes prevandes. Et ci tost comme li cais
20. y escherait que sens aitendre aultre mandement de nous ne de nos hoirs ou successours dus de Loheraine si de nous defailloit provoissent et envestient
21. les dessus dis des dites vicairies ou l’un d’aulz de l’une des dites vicairies se de l’aultre defailloit et faicent respondre ai aulz ou ai l’un d’aulz se
22. de l’aultre defailloit de teil portion comme ai chescune vicairie appartanrait. En tesmoingnaige de veritei nous avons fait mettre nostre seeil en ces
23. presentes lettres que furent faites l’an de graice Nostre Signour mil trois cens quarante et cinc, le jour de lai division des apostres. -
« Di[…], mense novembris fuerunt recepti p(rese)ntibus dominis Ferrico / de Nanceyo et Therrico de […]ria de […]ria et de […] / curatis, presbiteris testibus […] », début XIVe ; « Lettres de la provision monsignour Jehan Chantereil et monsignour / Jehan fil Poiresson le chandelier de Nancey », XIVe s. ; « Provision des deux vicarias / dans Saint George par le duc / Raoul, y est faict mention du / nombre des chanoins et vicaires / qui y doivent estre, du reste / inutil. », XVe s.
-
-
-
H. LEVALLOIS,Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 498
-
-
-
Laura Gili-Thébaudeau
Sigillography
-
non
-
Sceau sur double queue, perdu
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 21249 (transscript-466), http://telma.irht.cnrs.fr/chartes/en/transscript/notice/21249 (mise à jour : 20/11/2018).