« transscript-452 »

Document | transscript/notice/21235
plus d'informations

Description

  •  
    Raoul, duc de Lorraine
  •  
    Henri, dit le moine de Bazeilles
  •  
    Burckard, frère de Henri dit le moine de Bazeilles
  •  
    Raoul, duc de Lorraine
  •  
    1345/08/25

  •  
    FRANCE, Nancy, Archives départementales de Meurthe-et-Moselle, B 834 n° 173
  •  
    Original sur parchemin, jadis scellé de deux sceaux sur double queue
  •  
    français
  •  
    non suspecté
  •  
    Lettre
  •  
    Original
  •  
    Raoul assigne à Henri dit le moine de Bazeilles et à Burckard, son frère, jusqu'à ce qu'il ait payé les mille florins pour lesquels ils sont devenus ses hommes liges, cent florins de rente annuelle sur les revenus sur la jurée de Neufchâteau, à condition que pour chaque somme de deux cent cinquante florins qui leur sera versée à rachat de la dite rente, ils reprendront du duc soit en acquêt soit de leur alleu vingt-cinq florins de rente annuelle le plus près possible du duché.
  •  
    01. Nous Raoulz dus de Leherenne et marchis faisons savoir a touz que nous devons et sommes tenus a nos bien ameiz monsignour
    02. Hanri dit le moine de Baille et a monsignour Brokart son frere chevaliers la some de mil petis florins de Florence, c'est
    03. assavoir a chacun d'aulz la moitié pour cause de ce qu'il pour aulz et pour lours hoirs sont devenu nostre home de plain
    04. homage et qu'il sont entrei en nostre foy et en nostre homage pour nous et pour nos hoirs, pour lesquelz mil petis florins
    05. nous lour avons assignei et assignons a panre et a avoir chascun an sus les yssues de nostre juree dou Nuefchastel cent
    06. petis florins de Florence ou la valour en autre monoie c'est assavoir a chascun d'aulz la moitié as termes c'on ait acoustumei
    07. a lever nostre dite juree jusques a tant que nous ou nos hoir aiens paiet et delivrei a une foiz ou a plusours as dis freres
    08. ou a lours hoirs la some des mil petis florins dessus dis en la maniere que s'ensuit, c'est assavoir que toutteffoiz qu'il plairoit
    09. a nous ou a nos hoirs racheter cinquante petis florins des cent petis florins dessus dis pour la somme de cinq cens
    10. petis florins ou vint cinq petis florins des cent florins dessus dis pour la somme de dous cenz et cinquante petis
    11. florins nous les poons racheter en la main des dis chevaliers ou de lor hoirs en la maniere dessus dite et ensi touttefoiz que nous
    12. vourriens jusques a ceu que nous averiens rachetei les dis cent petis florins que nous lor avons assignei sus nostre dite
    13. juree si comme dit est par tel condition que quant et toutefoiz que nous ou nous hoirs vourriens le dit rachet faire
    14. nous meteriens en sauve main la some de florins dont nous vouriens faire le dit rachet jusques a ce que li dit frere
    15. ou lour hoirs se d'aulz defailloit averoient acquestei au plus pres qu'il pourroient de nostre duchié de Loherenne aides vint
    16. cinq petis florins de Florence de rente chascun an a touz jours maix pour dous cenz et cinquante petis florins que nous
    17. lour deliverriens ou nostre hoir aprés nous et ensi adas dou plus plux a l'evenant ou qu'il averoient repris de nous de
    18. lour franc alleuf au plus pres qu'il l'averoient de nostre duchié se tant en y avoient a l'avenant que nous vourriens
    19. racheter de la some des cenz petis florins dessus dis en la maniere dessus dite lequel acquest ou alleuf li dit frere et
    20. lour hoir doient tenir de nous et de nos hoirs dus de Loherenne a touz jours maix en fyé et en plain homage se mandons et
    21. commandons das maintenant a ceaulz qui leveront nostre juree dou Neufchastel pour le temps delivrient as dis freres ou a celz
    22. qui cause averoient d'aulz les cenz petis florins dessus dis chascun an ou ceu que nous lour en deverons que rachetei
    23. ne seront sens avoir ne attendre autre comandement de par nous jusques a ceu que nous les averons rachetei des mil
    24. petis florins dessus dis ou d'aucune partie d’iceaulz si comme dessus est dit ; et ensi lour avons nous promis et promettons
    25. a tenir sus l'obligation de touz nos biens presens et avenir. En tesmoingnage de ceu sont ces lettres saelees de nostre grant
    26. seel que furent faictes le diemenge aprés la feste de l'assumption Nostre Dame l'an de grace mil trois cens quarante
    27. et cinq.
  •  
    "J. Talleney"
  •  
    « Henry Moine et / Brocart son frere se font / vassaux du duc Raoul pour / mil florins de Florence. / 1345 », XVe-XVIe s. ; « n° 173 Neufchastel », XVIIe s.
  •  
    H. LEVALLOIS, Catalogue des actes de Raoul, duc de Lorraine, 1329 à 1346, Nancy, Bibliothèque municipale de Nancy, 1902 (dact.), n° 505
  •  
    Laura Gili-Thébaudeau

Sigillography

  •  
    non
  •  
    Sceau sur double queue, perdu

Informations

Document
Laura Gili-Thébaudeau (Université de Lorraine), dans  TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 21235 (transscript-452), http://telma.irht.cnrs.fr/chartes/en/transscript/notice/21235 (mise à jour : 19/11/2018).
http://telma.irht.cnrs.fr/chartes/en/transscript/notice/21235
transscript/notice/21235
XML  JSON