Description
-
Thiébaut (2), duc de Lorraine et marquis
-
chapitre de Saint-Gengoult de Toul
-
Thiébaut (2), duc de Lorraine et marquis
-
chapitre de Saint-Gengoult de Toul
-
Thiébaut (2), duc de Lorraine et marquis
-
chapitre de Saint-Gengoult de Toul
-
-
FRANCE, Paris, Archives nationales, LL 986, f° 44r-49r
-
Copie dans cartulaire (XIVe s.)
-
français
-
non suspecté
-
Lettre
-
Cartulaire
-
Thiébaut (2) et le chapitre de Saint-Gengoult font savoir qu'ils concluent un traité d'accompagnement qui inclut les biens du chapitre à Bouzemont et à Bazegney (à l'exception des droits spirituels), et ceux du duc à Chauffecourt et à Bettoncourt (à l'exception des fiefs et des gardes) ; les contractants s'engagent à mettre les habitants à assise ou rente dans des conditions à déterminer par la suite ; les habitants sont exemptés des services militaires et des servitudes.
-
01. Nous Thiebaus par la grace de Deu dus et marchis de Loreingne, et nous li doiens et
02. li chapistres de l’englise Saint Gengoul de Toul, faisons savoir a tous que cum
03. les villes, li ban et li finaige de Bonzonmont et Beseingneis apartenissent et a-
04. -parteingnent a la dite esglise Saint Gengoul de plain et de parfait signorage et de
05. tant de temps comme memoire de home puet estre, nous les parties desus dites
06. que desierons et covoitons la croissance de la dite esglise et de la duchié desus dite
07. avons fait et faisons compaignie por toz jors mais des biens et des choses temporez
08. qui sensuient ci apres.
09. C’est a savoir que nous doiens et chapistres en tous proages et en tous emolumens
10. qui apartiennent a nous, qui venront venir porront et deveront es villes, es ban et ens
11. finages de Bonzonmont et de Bezeingneis, et especialment es ventes de blez et de deniers
12. que li home des dites villes doient a nous et a nostre esglise, en estaulz, en estelages,
13. en loiers de la grant hale et de la petite hale et de la peleterie, en dous molins, en
14. bruel, en la rente que li heritages de Meignei nos doit, en dix soulz de toullois
15. que messires Henris de Baion chevaliers et sui hoir nous doient assigner por le cours
16. de liaue qui est ostez en nostre partie des amendes que venront par main de laie justisce
17. des dites villes, lesquelles amendes doient estre jugiees par lou maiour et les
18. eschevins qui por nous seront on dis leus et en totes autres choses quilz qu'elles
19. soient ens villes et ens bans desus dis, fors que en choses ci apres exceptees a com-
20. -paignons monsignor le duc et ses hoirs et ses successours qui seront duc de Lo-
21. -reingne et non autre, par tel maniere que nos doiens et chepistres averons et deve-
22. -rons avoir la moitié des emolumens desus dis franchement et entierement . Et
23. nous dus et nostre hoir apres nous duc de Loreingne l’autre.
24. Sauf tel droit com li grans arcediacres, ar-
25. -cediacres, prevos de nostre esglise ait et avoir doit en dites villes, lou quel droit
26. nous ne metons pas en compaignie.
27. Et est asavoir que de ceste compaignie nous exceptons entierement la juridiction[ f°44v ]01. esperituel des dis leus, l’englise de Bouzonmont, le patronage de la dite esglise, les
02. deimes gros et menus, generalment et especialment, quanqui apartient a la dite esglise
03. et a la cure de la dite esglise, et quanqui apartient a l’espiritualitei et a toz emolumens
04. qui venront por raison de l’esperitualitei, nostre maison et la grange ou li curez demore
05. et totes les apartenances d’icelles, la grainge dou deisme et totes les appendises,
06. et nos greniers qui sont au chief de la petite hale davant l’englise Saint George.
07. Lesqueles choses exceptees nos retenons a nous et a nostre esglise a toz jors mais,
08. franchement, quitement, sans parson, et les quelles nos ne mettons pas en compaignie.
09. Et totes les autres choses des villes et des bans desus dis sont et seront de la
10. dite compaignie, fors que celles que sont exceptees si com desus est dit.
11. Et nous Thiebaus dus desus dis
12. por nous et por nos hoirs et sucessors dus de Loreingne qui apres nous venront
13. et non por autre, recevons, faisons, aggreons et ratifions la dite compaignie.
14. Et por acroitre la dite
15. compaignie, nous acompaignons a toz jors mais as dis doien et chapistre et a
16. l’englise Saint Gengoul la quarte partie de la ville, dou ban, dou finage, de la
17. justisce et dou signorage de Chavecort en la meniere que nos li avons. Et
18. tout ce que nous avons, avoir poons en la ville de Betoncort et en signora-
19. - ges d’icelle, en bans, en justisces, en homes, en fames, en boix, en terres,
20. en rentes, en censes, en tailles, en prises et en totes autres choses quelz qu'elles
21. soient en dites villes de Chauvecort et de Betoncort sans rien a retenir.
22. Lesquelles choses estoient de nostre heritage, sauf les fiez que on tient
23. de nous duc en villes et en bans desus dis, et sauf la warde de ceu que li esglise
24. Saint Piere de Remiremont ait et tient en dis leus. Par ensi que li dis doiens et
25. chepistres et lor esglise averont et panront a tous jors mais la moitié
26. en totes les choses desus dites en tous us, en tous cas et en toz proages.
27. Et nous et cil qui seront duc de Loreingne l’autre.[ f°45r ]01. Et por plus grant acroissance de la dite compaignie est ordenei entre nos
02. les parties desus dites que se les persones qui tiennent ou tanront lou rememant
03. des villes de Chauvecort et de Betoncort ou aucunes d’elles se vousissent
04. metre fors de ceu qu’elles i tiennent ou de partie par vendaige ou autrement
05. coment que se fust, nous ensemble l’aquesteriens et deveriens acquester,
06. et serat tenus chascuns de nous de mettre la moitié en l’aquest et venront
07. en la compaignie et panront chascune partie moitié. Ne nos dus desus dis
08. ne nostre hoir et successor duc de Loreingne apres nos ne devons soffrir que nuns
09. acquestoit en leus desus dis, fors que nos et li doiens et li chapistres desus
10. dit ensemble lai ou nos le porriens debattre bonement. Et des maintenant
11. nos donons plain pooir et plainne auctoritei as dis doien et chapistre
12. de acquester ens villes et ens bans de Chauvecort et de Betoncort desus
13. dis, soit de nostre fié ou nemie de nostre fié por mettre en la dite compaig-
14. -nie et de l’aquest chascuns de nous paserait et meterair la moitié en
15. si com desus est dit, et lor amortissons de maintenant et averons por amorti
16. ce que il i aquesteront en la meniere desus dit.
17. Et parmi la compaignie desus dite, nous
18. dus et nostre hoir successour duc de Loreingne devons garder a toz jors
19. mais bien et loiaument les villes, les bans et les finages de Bonzonmont,
20. de Bezeingneis, de Chauvecort et de Betoncort, les homes et les femes de
21. ladite compaignie qui sont et seront. Et devons aussi garder les dis
22. doien et chapistre et les channoines de la dite esglise, lor maigniees
23. et lor biens en bone foi.
24. Nous dus desus dis et nostre
25. successor duc de Loreingne apres nous, devons et serons tenui de gar-
26. -der et de conduire parmi nostre terre et parmi nostre pooir totes les gens qui
27. venront a foire de Bouzonmont, II jors davant la feste Saint Ge-[ f°45v ]01. -orge en venant et tant cum la dite foire durerait, et II jors apres la dite foire 01. en ralant, de tous nos homes, de toz nos sougis et de toutes autres gens en
02. bone foi et leaument.
03. Et devons ausi garder toz cels qui venront au marchié qui fais serait a
04. Bouzonmont, I jour d’avant le marchié, le jour dou marchié et I jor
05. apres ; par ensi que nos gens qui garderont la dite foire tant cum elle durerait,
06. averont LX souls de toullois por lor despens, ne de plus ne deveront constan-
07. - gier nous ne les dis doien et chapistre, ne les homes des dis leus de
08. Bouzonmont et de Beseingneis, ne les mercheans, lesquelz LX solz on pan-
09. - rait on commun de la dite compaignie.
10. Et ne poons ne ne devons nous dus nostre hoir mettre, traire, ne soffrir
11. a traire la dite foire en autre leu que nos aiens ne avoir puissiens ne
12. establir novelle foire lou jor de la Saint George, ne euit jors d’avant
13. ne VIII jors apres, en nul leu que nous ou nostre hoir aiens ne avoir puis-
14. -siens dedens la dyoceise de Toul, ne soffrir a faire novelle foire on temps
15. et on termine desus dis, en nos fiez et arriers fiez lai ou nous les puis-
16. -siens debatre par raison, ne faire cri, commandement, ne autre maniere
17. de signorage, ne panre, ne faire panre, ne soffrir a panre ens homes
18. et en femes des dites villes de la dite compaignie riens quelz qu'elle soit.
19. Ne nous doiens et chapistres ausi, ce ce n'estoit par commun escort de nos
20. duc et doien et chapistre ensemble, fors que les debites et les issues on
21. quelles li home des villes et des bans desus dis seront tenui par commun es-
22. -cort.
23. Ne nous dus desus dis ne nostre hoir ne nostre
24. successour ne poons amener, tenir et recepter gens a armes ne sans
25. armes as leus desus dis, ne gentes faire ne tenir, par coi li home des
26. dis leus soient damaigié et grevei en lor persones et lor biens, ne nos[ f°46r ]01. doiens et chapistres aussi.
02. Et ce aucuns estoit pris et arrestez ens villes
03. de Bouzonmont et de Bezeingneis et ens bans d’icelles por meffait ou par
04. autre cas quelz qu'il fust, il doit estre mis en la commune prison en la ville de Bouzonmont, et ne porroit ne ne deveroit estre jugiez, demenez,
05. ne delivrez fors que par la commune justisce dou dit leu.
06. Et doient toutes les rentes et les issues des
07. dis leus de Bouzonmont et de Beseingneis, de Chauvecort et de Betoncort
08. estre receues par le commun commandement des II parties et delivrees par le dit
09. commandement, li moitiez a chascune des parties bien et loiaument, fors que
10. les choses exceptees que li doiens et chapistres averont par als si cum de-
11. -sus est dit.
12. Et doit ausi li dis commandemens
13. louer les hales, les estaulz et les estalaiges de la peleterie et de la
14. dite foire et toutes les autres issues et faire le proaige leaument
15. de l’une partie et de l’autre, en vendant et en amoisenant et en loant en
16. la ville de Bouzonmont les choses desus dites.
17. Et devons nous dus et li doiens et chapistres desus dit faire
18. et asseoir vente en tous les biens et en toutes les denrees
19. qui venront et seront ens dites foires et marchiez, selonc la forme
20. et la maniere cum lieue es foires de Mirecort, de laquele vente seront
21. franc et quite et delivré a toz jors mais li doiens, li channoine et li prestre
22. de la dite esglise de Saint Gengoul et tuit li manant et habitant qui or
23. sont et seront demorans desous les signors ens dites villes de Bozon-
24. -mont et de Beseingneis de toutes les choses qu’il acheteront por lor
25. necessitei sens revendre. Li quelle vente serait levee et coillie par lou commun
26. commandement des dites parties et delivrees a chascune partie par moitié.[ f°46v ]01. Et nous les parties desus dites faisons et establissons en la dite ville
02. de Bouzonmont au mercredi marchié, li quelz serat gardez et conduis per
03. nos duc desus dit, nos hoirs et nos successors dus de Loreingne ensi
04. cum desus est dit.
05. Et devons faire fours banaus et autres proages communs que on
06. porrait faire bonement et leaument ens dis leus, des emolumens
07. desqueilz chascune partie averait la moitié, fors que on choses exceptees
08. si cum desus est dit.
09. Et por le leu de Bouzonmont plus amender,
10. nous les parties desus dites devons metre les homes et les femes
11. de Bouzonmont et de Beseingneis a certainne rente et asisse de blef
12. ou de deniers, ensi cum on le porrait muez faire et celon ce que boin
13. nous semblerait.
14. Et seront et doient estre tuit li home et les femes de Bouzonmont et
15. de Beseingneis et tuit li habitant ens dis leus franc, quite et delivré
16. de tous os, de toutes chevalchiees, de toz cris, de toz charrois, et de
17. totes servitutes qui venroient et venir porroient por l’oquison et por
18. la necessitei de la dite duchié et por le besoing de nous doien et cha-
19. -pistre ausi, fors que por les neccessitez des homes et des femes des villes
20. de Bozonmont et de Beseingneis et de lor bans.
21. Et avons nous dus donei et ottroié, donons et otroions
22. perpeltuement a tous les homes de Bouzonmont et de Beseingneiz et a
23. tous les habitans ens dis leus qui sont et seront plain et franc usu-
24. -aire en tous nos boix de Darnei et est bien nostre volentez nos dus
25. desus dis qu’il aient on forelz d’Atignei por maisener, por edifier
26. et reedifier ens dis leus por les hales, por lou four banaul, por les
27. molins, por l’esglise de Bouzonmont, por les hostelz, les granges et
28. les edifices des dis doien et chapistre ens dis leus edifier et ree-[ f°47r ]01. -difier toutes les fois que boin lor serait et marrien por les chars et
02. por les charrues sens vendre et sens doner.
03. Et est a savoir que les dites hales, lou four et les molins on doit
04. faire, refaire, maintenir et agranzier se mestiers estoit as com-
05. -muns despens et as communes costanges des parties.
06. Et quant nous les parties desus dites ou nos gens ou nostre commande-
07. -mens irons, envoierons ou serons ens dis leus ensemble ou
08. chascuns par lui por quelque cas et cause que ce soit en foire et sens foire
09. chascuns viverat dou sien en toutes choses, fors que les LX soulz de-
10. -sus dis por la garde de la foire, ne ne porrons ne ne deverons nos
11. les parties desus dites riens panre sus lou commun ne sus les gens
12. des dis leus, fors que ensi com desus est dit.
13. Et doient estre
14. mis maiour et justisces ens dis leus de Bouzonmont et de Beseingneis
15. par commun concort, c’est a savoir I maires, II eschevin, I doiens et I
16. frotiers chascun an, li quel seroient pris et esleu des borjois des
17. villes demorans au leu. Et ce de ce ne pooit venir communs concors
18. chascune partie les meteroit a son annee, et les meteroient li dit doiens
19. et chapistres la premiere annee, ce nous les parties ne nos poiens con-
20. -corder, et nous dus l’autre annee, et ensi apres ensuiant tote cele
21. fois que descors en seroit.
22. Et ce li maires ou les justisces de Bozonmont
23. ne pooient trover entre als le droit d’aucun cas, il endoient
24. querir consoil et penre le droit a Nancei.[ f°47v ]01. Se aucuns homs des dites villes cheoit en amende de pecune qu’il
02. ne peust paier sens vendre heritaige, celle amende serait taixiee par
03. le prevost annual de la dite esglise Saint Gengoul et par le consoil de
04. celi qui adont seroit baillis monsignor le duc en celle terre. Et cil qui seroi-
05. -ent assis por maiour et justisces des dis leus seroient commun et fe-
06. - roient feautei a l’une partie et a l’autre, c’est a savoir por nous duc
07. a nostre dit bailli et por nos chapistre a nostre doien et a grant arcediacre
08. por son droit de garder lor droit.
09. Et volons et ordenons
10. nous les parties desus dites que possessions et tenours que li une de nos
11. II parties peust ou porroit avoir et alleguer sor l’autre es biens et
12. es choses desus dites de la compaignie davant dite combien qu’elle fust
13. longue, ne puisse faire prejudice a l’une partie por l’autre, par coi que
14. les convenances desus dites ne fuissent et soient tenues et gardees
15. entierement.
16. Et portant que li dit signor de Saint Gengoul avoient
17. en plain signorage ce qu’il ont mis en la dite compaignie et ont en-
18. - cores en plain signorage ce qu’il ont retenu fors de la dite compaig-
19. -nie, nous dus les biens des dis signors de Saint Gengoul, les dis
20. leus quel qu’il soient, deimes, rentes, muebles ou autres qui sont et se-
21. - ront, ne devons ne ne poons arrester, saisir, ne faire arrester, ne
22. soffrir a saisir, panre, ne arrester, ne faire autre chose quelz qu'elle
23. soit, par coi li dit doiens et chapistres n’aient la lor chose et lor biens
24. des dis leus pasiblement et entierement por quelque necessitei que nos
25. ou nostre duchiez aiens ou puissiens avoir.
26. Et ne poons ne ne devons
27. nous dus desus dis les biens mis en la dite compaignie d’une partie
28. et d’autre des dis leus metre fors de nos mains, par don, par mariage,[ f°48r ]01. par partage, par meniere de fié, ne a nos enfans, ne a nos hoirs ne 01. a autre, ne obligier en autrui main, ne autre chose faire quelz qu'ele
02. soit, par coi il ne soient toz jors en nos mains et en la main de celz qui
03. seront duc de Loreingne, car ensi est il convenancié entre nous.
04. Ne nous doiens et
05. chapistres ne poons ne ne devons ce que nous avons en la dite
06. compaignie metre en autrui warde, ce ce n’estoit par lou grei de nos
07. duc et de nos hoirs dus de Loreingne ausi, et ce nous ou nostre hoir le
08. faisiens, que Deux ne welle, nos dus nos obligons por nos et por nos suc-
09. -cessours dus de Loreingne que nous aiens pardiu perpeltuement toz les drois,
10. les issues et les proages et toz les heritages que nous avons en la com-
11. -paignie desus dite et l'averoient gaaingnié et aquis li doiens et li cha-
12. - pistres desus dit en heritaige sens debat de nous et de nos hoirs et
13. d’autres por nos tant que nos ariens les choses desus dites rapropriees
14. a nous et quant nos raveriens raproprié les choses a nous se rave-
15. -riens la moitié en la compaignie ensi com d’avant, sans redemander ce
16. qu’il en averoient levei des chetelz lai entredous.
17. Et est a savoir que
18. on ne puet ne ne doit deci en avant retenir ce ce n’estoit par maria-
19. -ge en villes de Bouzonmont et de Beseingneis ne on bans nuns des homes
20. de Chermes ne de Mirecort ne de lor hons, ne de Dompaire aussi quant
21. il seront en nos mains duc desus dit ou en la main de nos hoirs
22. dus de Loreingne, ne on ne puet ne ne doit retenir nuns des homes de Bozonmont ne de Bezeingnei ne des bans ne de lor hons es leus de
23. Chermes et de Mirecort et de Dompaire desus dites, ce ce n’estoit par ma-[ f°48v ]01. -riage. Et est convenance entre nous duc
02. de Loreingne por nous et por nos hoirs qui seront duc de Loreingne d’une
03. part et nous doien et chapistre d’autre que li leus de la dite compaignie,
04. li gent et li habitant des dis leus selonc la forme et la meniere et les
05. convenances desus dites seront gardei par I sergent proudome et co-
06. -venable de nostre terre, mis et establi de par nous, dou consentement lesdis
07. doien et chapistre.
08. Ne ne poons ne ne devons nous les parties desus dites vendre ne a-
09. -moisener les amendes des dites villes de Bozonmont et de Beseingneis.
10. Et avons promis
11. et prometons as dis doien et chapistre en bone foi et leaument par
12. nostre sairement fait sor saintes euvangiles que nous la compaignie
13. desus dite et totes les convenances ensi cum elles sont desus devise-
14. -es et escriptes tanrons et garderons fermemen et entierement, te-
15. -nir et garder ferons bien et loiaument sens venir encontre, en tot
16. ou en partie, et que nous riens ne ferons ne sofferons a faire par coi la
17. dite compaignie et les dites convenances ne soient bien tenues et
18. gardees.
19. Et por muez garder
20. et tenir les choses desus dites, nous dus volons et ordenons que cil qui
21. seront duc de Loreingne apres nos, de hoir en hoir, facent semblant
22. sairement et semblant obligation dedens XX jors apres ce qu’il seront
23. requis de par les dis doien et chapistre de tenir et de warder la dite
24. compaignie et totes les convenances desus dites. Et a ce nos obli-
25. -gons nos et nos hoirs dus de Loreingne, et ce nous ou nostre hoir a-
26. -liens contre les convenances desus dites en tout ou en partie et se
27. nous ou nostre hoir duc de Loreingne faisiens aucuns griez ou au-[ f°49r ]01. -cuns damaiges as dis doien et chapistre es choses desus dites nos
02. et nostre hoir successour duc de Loreingne seriens tenui dou deffaire de-
03. -dens XL jors apres la requeste des dis doien et chapistre.
04. Et ce nos ou nostre hoir ne le faisiens, nos volons et otroions
05. que li doiens et li chapistres desus dit, les dis XL jors passez qu’il averoient
06. requis nous ou nos sucessors sor ce aient aquis toz les chetelz qui deve-
07. -roient venir a nous ou a nos hoirs dus de Loreingne de la compaignie
08. desus dite. Et qu’il puissent faire metre sentence d’escoimement et d’entre-
09. -dit en nous, en nos hoirs dus de Loreingne, en nos maigniees et en
10. nostre terre par l’official de la court de Toul, tant que nos averiens deffait
11. entierement ce que entrepris i seroit. Et quant nous en averiens assez fait
12. ou nostre hoir duc as dis doien et chapistre de lai en avant repanriens
13. nous nos chetelz en la dite compaignie sens redemander et requerir ce
14. que li doiens et chapistres en averoient pris et levei por la convenance
15. non mie tenue en tout ou en partie ensi cum desus est dit.
16. Et ce nostre hoir duc de Loreingne qui apres
17. nos venront ne voloient faire le sairement de garder ces convenances
18. et ceste compaignie ensi com desus est devisee, il ne panroient riens riens
19. en la dite compaignie, ne es biens ne es issues d’icelle quelz qu'elles fuissent
20. jusques a tant qu’il averoient fait le dit sairement, ains seroient tuit li
21. li bien de la dite compaignie lou doien et lou chapistre desus dis sens rienz
22. remetre arriers. Et pour ce que totes les choses desus dites et devisees soi-
23. -ent fermes et estables a tenir a toz jors mais sens aler concontre ne en
24. tout ne en partie, nous Thiebaus dus d’avant nomez et nos doiens et
25. chapistres desus dit, avons mis nos saelz en ces presentes lettres en tes-
26. -moignage de veritei, faites et donees l’an de grace Nostre Signor mil IIIC
27. et X on mois d’avril. -
E. PERRIN, « Catalogue des chartes de franchise de la Lorraine antérieures à 1350 », in Annuaire de la Société d’histoire et d’archéologie de la Lorraine, t. XXXIII, 1924, n° 182 bis
-
A.-M. MARIONNET, Catalogue des actes de Thiébaut II, duc de Lorraine (1303-1312) , diplôme d’études supérieures de la Faculté de lettres de Nancy, Nancy [1947], n° 174
-
Isabelle Guyot-Bachy ; Mathias Bouyer
Sigillography
-
non
Informations
Document
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 145818 (transscript-1089), http://telma.irht.cnrs.fr/chartes/en/transscript/notice/145818 (mise à jour : 18/06/2019).