« transscript-1011 »

Document | transscript/notice/144358
plus d'informations

Description

  •  
    Henri (5), comte de Luxembourg et de la Roche, marquis d'Arlon
  •  
    Marguerite (de Bar), comtesse de Luxembourg et de la Roche, marquise d’Arlon
  •  
    Waléran (1), seigneur de Ligny-en-Barrois
  •  
    Thiébaut (2), comte de Bar
  •  
    -
  •  
    Henri (5), comte de Luxembourg et de la Roche, marquis d'Arlon
  •  
    Marguerite (de Bar), comtesse de Luxembourg et de la Roche, marquise d’Arlon
  •  
    après 1262/12/13 - avant 1267/09/16

  •  
    -
  •  
    -
  •  
    FRANCE, Paris, Archives Nationales de Paris, J 608, n° 1
  •  
    Vidimus sur parchemin jadis scellé sur simple queue de parchemin
  •  
    français
  •  
    non suspecté
  •  
    Lettre
  •  
    Vidimus
  •  
    Vidimus de Drogo, abbé de Jean-d’Heurs, de l’acte du 13 décembre 1262 par lequel Henri (5), comte de Luxembourg et de la Roche et marquis d’Arlon, et sa femme Marguerite (de Bar), font savoir qu’ils ont donné en héritage à leur fils Waléran (1) Ligny(-en-Barrois) et sa châtellenie, que ce dernier doit reprendre en fief, à l’exception de Tréveray (mouvant du roi de Navarre), de Thiébaut (2), comte de Bar, ce dernier tenant à son tour ledit fief de Ligny des comtes de Luxembourg avec ceux de Stenay et du ban de Maizey. Henri (5) et Marguerite notifient en outre qu’ils ont donné à Thiébaut (2) la moitié des fiefs de Marville et d’Arrency et des appendices que Waléran, seigneur de Marville, tient d’eux, moyennant une somme de 7.500 livres de Provins, desquelles ils donne quittance audit comte de Bar.
  •  
    01. Nos Drogus, par la patience de Deu abbes de Ja[ndehu]res faisons savoir a tous que nos avons veues lettres seelees dous sael
    02. Henri conte de Lucemb(orc) et dou sael Marguerite sa femme la contesse, et avons leues mot a mot aussi cum il est ci desous contenu.
    03. Nous Henris, cuens de Lucemb(orc) et de la Roche et marchis d’Erlons, et nous Marguerite, sa feme, con-
    04. -tesse et dame de ces meismes leus, faisons savoir a touz que nos avons donei a Wallerant, nostre fil, en
    05. heritaige Linei et la chastelerie, sauf ce a nous Marguerite, contesse de Luc(emborc), que nos les tenrons toute nostre
    06. vie ; et tout ce a il repris de nostre freire et feable Th(iebaus), conte de Bar, em fie et en homage arreis
    07. Triverei et les lieus assenez, vaillans deus cens livrees de terre, qui muevent dou roi de Navarre, ensi
    08. cum les lettres que li rois en a lou tesmoignent. Et Th(iebaus), cuens de Bar devant diz, tient de nos, et
    09. tenront il et si hoir de nos et de nos hoirs qui seront conte de Lucemb(orc), Linei et la chastelerie, ensi cum
    10. il est devant dit, en acroissance des autres fiez qu’il tient de nos, c’est a savoir Sathanais et li bans de
    11. Maheriz. Et est a savoir que nous, Marguerite, contesse de Luc(emborc), i retenons cent livrees de terre pour aumosne
    12. faire ou pour fieveir s’il nos plait ; et se nos en faisons aumosne, l’aumosne sera de la garde le signor
    13. de Linei ; et se nos en faisons fief, on lou tenra dou signor de Linei en fief ; et li sires de Linei le tenra
    14. ensi dou conte de Bar, et li cuens de Bar ensi dou conte de Luc(emborc). Et s’il avenoit par aventure que Lineis
    15. escheit ou li conteiz de Luc(emborc) escheist, ensi que uns sires tenist Luc(emborc) et Linei par defaute de hors masle,
    16. qu’il n’en i eust que un, li cuens de Bar tenroit dou signor de Luc(emborc) Linei et la chastelerie ensi cum
    17. il est desus dit, et li cuens de Luc(emborc) l’en liverroit a home un chevalier gentil home jusqu’a tant qu’il
    18. i averoit plusors hors males dont li uns seroit sires de Linei et de la chastelerie et en seroit hom
    19. au conte de Bar, ensi cum il est desus dit ; et s’il n’i avoit nul hoir masle, auteis covenances seroient
    20. des filles cum des filz, ensi cum il est desus devisei. Et est a savoir que nos avons encor donei au devant
    21. dit conte de Bar en acroissance des autres fiez qu’il tient de nous, la moitie dou fief de Marville
    22. et d’Arrencei et des appendises que messires Wallerans, sires de Marville, tient de nos en fie, et en est nostre
    23. hom et sera li cuens de Bar, il et sui hoir, a nos et a nos hors qui seront conte de Lucemb(orc). Et en ces fiez
    24. de Marville et d’Arrencei et ens appendises nos ne poons riens aquesteir sens le conte de Bar, ne il sens nos,
    25. ne nostre hoir et li sien li un sens les autres. Et est a savoir que de ces fiez devant nomeiz de Marville
    26. et d’Arrencei et des appendises, nos ne nostre hoir ne li cuens de Bar ne sui hoir ne nos poons aidier pour faire
    27. gravance li uns a l’autre des chouses qui apartienent a nos demoinent<sic>. Et por ces chouses devant dites que nos
    28. avons donei au conte de Bar devant dit en accroissance des autres fiez qu’il tient de nos, nos a il donei
    29. sept mile et cinc cent livres de Provinisiens fors, desquex nos nos tenons bien a paiez. Et totes ces covenances
    30. devant dites avons nos iurees sor Seinz et creantees loiaument a tenir en bone foi a tozjors por nos
    31. et por nos hors. En tesmoignage de laqueil chouse et pour ce que ferme soit et estable a tozjors,
    32. nos avons ces presentes lettres seelees de nos propres sees. Ce fu fait et donei l’an de grace nostre
    33. Signor quant li miliaires corroit par mil et dous cens et sexante deus ans, le ior de la feste Seinte
    34. Lucie em mois de decembre. Et nos li abbes devant diz avons seelei cest transcript de nostre seal
    35. en tesmoignage de veritei, qui fut faiz l’an que li miliaires nostre Signor corroit par mil deus cens
    36. sexante et sept ans, lou venredi apres l’exaltacion de la Seinte Crois.
  •  
    Edition effectuée sur base de microfilm
  •  
    -
  •  
    « 1267 1 J 608 », XXe s.
  •  
    J. C. LÜNIG, Codex Germaniae diplomaticus, t. II, Franckfurt 1732, p. 1605
  •  
    J.-F. PIERRET, Essai de l'histoire de Luxembourg, t. IV, preuves s.d. (vers 1700), LUXEMBOURG, Luxembourg, Archives nationales de Luxembourg, A-X-34, p. 60
  •  
    C. WAMPACH, Urkunden- und Quellenbuch zur Geschichte der altluxemburgischen Territorien bis zur burgundischen Zeit, t. III, Luxembourg 1939, n° 410, p. 443-445 (édition de l’acte vidimé)
  •  
    J. M. KREMER, Genealogische Geschichte des alten Ardennischen Geschlechts insbesondere des zu demselben gehoerigen Hauses der ehemaligen Grafen zu Sarbruek. Codex diplomaticus, Francfort-sur-le-Main 1785, p. 48
  •  
    F.-X. WÜRTH-PAQUET, « Table chronologique des chartes et diplômes relatifs à l’histoire de l’ancien pays et duché de Luxembourg. Règne de Henri II (1246-1281) », Publications de la Section historique, XV (1860), n° 234, p. 93
  •  
    A. WAUTERS, Table chronologique des chartes et diplômes concernant l'histoire de la Belgique, t. V, 1251-1276, Bruxelles 1887, p. 279
  •  
    C. WAMPACH, Urkunden- und Quellenbuch zur Geschichte der altluxemburgischen Territorien bis zur burgundischen Zeit, t. IV, Luxembourg 1940, n° 40, p. 48 (édition du vidimus)
  •  
    M. GROSDIDIER DE MATONS, Le comté de Bar des origines au traité de Bruges (vers 950-1301), Paris 1922, p. 356
  •  
    -
  •  
    Timothy Salemme

Sigillography

  •  
    non
  •  
    -

Informations

Document
Timothy Salemme (Université de Luxembourg), dans  TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 144358 (transscript-1011), http://telma.irht.cnrs.fr/chartes/en/transscript/notice/144358 (mise à jour : 04/12/2019).
http://telma.irht.cnrs.fr/chartes/en/transscript/notice/144358
transscript/notice/144358
XML  JSON