Description
-
Jehans dit Loquairs d'Omezée
-
Nycholes de Barbenchon, sire de Merlemont, chevalier
-
Jehans de Faus, châtelain de Florennes
-
Jean de Praile
-
Giles de Bamanz d'Omezée
-
Jean de Bouvignes
-
Henri, frère de Jean de Bouvignes
-
Jakemins de Waudrechies
-
Symons Bourlans
-
Alairs li Panetiers
-
Miles li Foretiers
-
Symons de Lohetines
-
Jean le Fieffé de Surich
-
Gilles de Haybes
-
Thiébaut (2), duc de Lorraine et marquis
-
-
FRANCE, Paris, Bibliothèque nationale de France, Provinces françaises, Collection de Lorraine, vol. 3, n° 5
-
Original sur parchemin (370 x 310 mm, repli 35 mm), scellé de sept sceaux sur double queue de parchemin (dont six perdus)
-
français
-
non suspecté
-
Lettre
-
Original
-
Requis par Thiébaut (2), duc de Lorraine et seigneur de Florennes, ses vassaux de la châtellenie de Florennes, réunis au château de Florennes déclarent par jugement que, dans la mesure où Gilles de Haybes, vassal du duc, ne s'est pas présenté aux ajournements auxquels le duc l'avait mandé, le duc peut confisquer son fief.
-
01. A touz chiaus qui ces presentes lettres werront et orront li home de fiés de la chastellerie de Florines chi desuz nommeit salus et cagnoissance de veriteit.
02. Conute chose soit a chascun et a tous que en l'an de graice mil trois cens et sept lou vanredi apres le dyemenges que on chante invocavit me, nous consti-
03. -tueit en nos propres persones por chui affaire el chastel a Florines en la presence de noble prince monsignour Thiebault par la graice de Deu duch de Lorr-
04. -aigne et signour de Florines, liquels nous requist et nous somont sor nos feaulteis que nous [...]sissiens recordeir et dire per jugement en quel point
05. et en quel maniere ibb[...] si ke sires de Florines avoit esteit a on tens qui passeiz est, mis et jugiés par l'enseingnement de ses hommes de fiez a la tenance et a tout
06. chu que nobles hons mes sires Giles sires de Hebes chevaliers tenoit adonc en fiés dou dit duch, si com del signour de Florines, et nous a la requeste
07. et a la semonce dou dit duch eut entre nous diligent traitiet et deliberation et sovenance teile com il assiert a tel chose et recordances entre nous per
08. jugement que a on tens passeit per tant que li dis sires de Hebes n'estoit venus et n'avoit envoieit excusance as ajornemens que li dis dus li avoit
09. fait faire per ses hommes de fiés a chui deputeis et envoiés a dis signour de Hebes por faire les dis ajornemens par devant li a Florines si com ses
10. hons de fiés a l'ocoison d'aucunes deplaintes que aucunes gens, les quels li dis dus avoit a wardeir de forche, que li dis dus avoit apraindre,
11. saisir et leveir par jugement et droit et par loy, tout chu que li dis sires de Hebes tenoit adonc dou dit duch en fié et le pooit et devoit
12. saisir li dis dus et mettre main per tout sens meffaire. Et cest recoirt dist et portait fors pour lui et por nous les dis hommes, Jehans
13. dis Loquairs de Omezees, si com hons de fiés lor dit duch. Et nous Nycholes de Barbenchon, sires de Merlemont chevaliers, Jehans de Faus chastelains de
14. Florines, Jehans de Praile, Giles de Bamanz d'Omesees, Jehans de Bouvigne, Henris ses freres, Jakemins de Waudrechies, Symons Bourlans, Alairs li Panetiers,
15. Miles li Foretiers, Symons de Lohetines et Jehans li fiever de Surich, si com homme de fiés le dit duch ensuivies le dit recoirt par plainne suite et
16. fust mis de par le dit duc en nostre warde. Et par tant que ce soit ferme chose et estauble, nous Nycholes de Barbanchon, Jehans de Faus, Jehans
17. de Praile, Jehans de Bouvigne, Henris ses freres et Jakemins de Waudrechies, homme de fiés lou duc devant nommeit, avons mis a ces presentes lettres nos
18. propres saiaus. Et nous Giles Bamans, Symons Bourlans, Alars, Miles, Symons de Lohetines et Jehans li fieveis, homme ausi de fiés lou dit duc par tant,
19. que nous n'avons ores a tens nos propres saiaulz, uzons a ceste foiz dou seel dou dit Jehan de Faus chastelain de Florines que nous avons requis a
20. mettre de par nous a ces dites lettres. Et je Jehans de Faus desus dis por moi si com dit est de[...] et por les dis Gilet Bamaul, Symon Bourlant, Alairt,
21. Milet, Symon de Lohetines et Jehan le Fieveit et a lour requeste, ai mis mon seel desus dit a ces dites lettres, en tesmoingnaige de veriteit. Cheu fut fait
22. et recordeit en la saulle dou dit chastel a Florines en la presence de vaillans hommes et saiges mon signour Charlon et mon signour Jacomon de Chelle
23. chevaliers et plusours autres et fut doneit l'an et lou jour devant nomeis. -
«Lettre dou jugement contre le [...] / de Heibe», XIVe s. ; "Lettres par lesquelles le duc de Lorraine fait faire enqueste / en sa presence [...] / les hommes de [...] qu'il avait [...] le vendredie / apres le dimanche Invocavit me 1307", XVIIIe s.
-
H. LEVALLOIS, Table chronologique provisoire des actes des ducs Thiébaut II et Ferry IV conservés dans le Trésor des chartes de Lorraine ou publiés et analysés, Nancy, Bibliothèque municipale, ms. 1185 (4 et 5).
-
A.-M. MARIONNET, Catalogue des actes de Thiébaut II, duc de Lorraine (1303-1312), diplôme d'études supérieures de la faculté des lettres de Nancy, Nancy [1947], n° 128
-
Denis Remy ; Mathias Bouyer
Sigillography
-
oui
Informations
Document
Mathias
Bouyer
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 144337 (transscript-1005), http://telma.irht.cnrs.fr/chartes/en/transscript/notice/144337 (mise à jour : 26/02/2019).