Description
-
Thiébaut (2), duc de Lorraine et marquis
-
Couvent des dominicaines de Nancy
-
Burnique de Riste, écuyer
-
-
FRANCE, Nancy, Archives départementales de Meurthe-et-Moselle, H 2673 (1)
-
Vidimus sur parchemin (178 x 284 mm), scellé sur double queue de parchemin
-
français
-
non suspecté
-
Vidimus
-
Thiébaut (2) fait savoir qu’en sa présence son vassal Burnique de Riste a reconnu avoir donné aux Sœurs Prêcheresses du couvent de Nancy, une rente annuelle de 12 livres toulois sur sa taille de Lunéville ou, si le toulois changeait de valeur, 20 livres petits tournois aux mêmes conditions ; il ne doit ni vendre ni échanger ce qu’il a à Lunéville sans réserver ledit don et consent, s’il n’en respecte pas les clauses, à ce que le duc se saisisse de ses biens.
-
01. Saichent tuit que li wairdain dou saeil mon signour le duc de sa court de Nancey ont veu, tenu et leu bien et diligammant unes lettres sainnes
02. et entieres bien saelees de vrai saeil ensi com il apparoit bonemant dez quelz lettres li tenours est teils : Nous Thiebaus, dus et marchis de Lorregne, faisons
03. savoir a tous que pour ceu especiaulmant estaublis en nostre presence nostre ameis et feaulz Brunekins de Ristes escuyers ait recogneu par davant nous de sa
04. plainne voluntei que il, pour Deu et en armone et pour l’airme de lui et de sez ancessours, ait donnei et donne a tous jours maix perpetuelment pour lui et
05. pour sez hoirs auz serours pracheresses de Nancey qui i sont et qui i seront douze livres de toullois boins et loiauls et coursables a panre et a avoir dez
06. dittes serours ou de loir comandemant certain chescun an a tous jours maix en sa taille de Luneville a dous termines, c’est assavoir seix livres a la Paske
07. et seix livres a la Saint Remey apres enxuant on chief d’octembre, et ensi d’an en an a tous jours maix, et lez an fait dez maintenant saizies tenans et
08. prenans et lez an met en possession. Et se toullois cheoient ou empiroient, lidis Brunekins et sui hoir apres lui delivreroient auz dittes sorours ou a
09. loir comandemant certain chascun an auz dous termines desus dis la value de vint livres de boins petis tournois boins et loiauls, c’est assavoir a chescun des
10. dous termines desus dis deix livres de boins tournois petis. Et se il an defalloient en tout ou en partie li dis Brunekins et sui hoir apres lui an seroient tenus
11. dou parfaire le defaut tout toutes lez fois que il an defauroit riens dedans lez eut jours apres ceu qu’il an seroient requis dez ditte serours ou de loir
12. certain messaige. Encor est assavoir que li dis Brunekins, ne sui hoir qui tanront ceu que il ait en la ville de Luneville apres lui, ne pueent ne ne
13. doient en nulle meniere qui soit mettre fairs de loir mains par vandaige ne par eschainge ne autremant ceu que il ont a Luneville, ne laixier a faire loir
14. taille a Luneville soit loir homes ensi com on l’ait usei par quoi lez dittes serours ne fuxent ades sauves pour avoir chescun an a tous jours loir
15. douze livres de toullois ou vint livres de petis foirs boins et loiauls en la meniere que desus est devisei. Et se il aloient de riens encontre cez chozes
16. desus dittes ou aucune d’elles, li dis Brunekins se consent et c'est obligiés lui et la soie choze meuble et non meuble partout ou qu’elle soit pour lui
17. et pour sez hoirs a ceu que nous et cil qui [sero]it duc de Lorregne apres nous loir faiciens faire et tenir com sires par la prise de loir biens, sans ran-
18. -dre et sans recroire et sans riens dire encontre tant que lez dittes serours ou loir comandemans auroient entieremant ceu que loir defauroit de loir
19. paiemans a faire ensi com desus est devisei toutes lez fois que il loir an defauroit riens a chescun termine. Et a ceu a faire et a faire tenir nous
20. obligons nous et nous hoirs dus de Lorregne apres nous par cez presentes lettres et le dit don et la ditte armone ait fait li dis Brunekins pour
21. lui et pour sez hoirs auz dittes serours par nostre grei et par nostre loz de cui fié ceu muet et nous y consentons pour nous et pour nous hoirs
22. dou tout en tout et a tous jours maix sans nul reclaim et sans aleir de riens encontre en nulle meniere qui soit. Et toutes cez chozes desus ensi
23. com elles sunt ci desus devisees ait promis et creantei li dis Brunekins par sa foi donnee corporelmant pour lui et pour sez hoirs a tenir et a werdeir
24. bien et loiaulmant sans aleir encontre en nulle meniere qui soit a nuns jours maix en tout ne en partis et de pourteir bone warentie et loiaul envers
25. toutes gens jusques a droit ensi com il y affierroit de toutes lez chozes desus dittes, et en ait obligié lui et sez hoirs et la soie choze partout ou qu’els
26. soit meubles et non meubles. Et quant auz chozes desus dittes et une chescune par soi ait renuncié et renunce li dis Brunekins pour lui et pour sez hoirs
27. a tous drois escris et non escris, a tous exceptions de decevemant de restitution, a tous privilaiges, a toutes indulgences, a toutes aides de fait et de
28. droit et au droit qui dit generaul renuntiation, ne mies valoir et generaulmant et especiaulmant a tout ceu qui lui ne sez hoirs pourroient aidier
29. en cest fait et lez dittes serours n’evre ne graveir. Et par quoi ceste presente lettre puist estre malmise ne cassee en aucune pairtie de soi. Et pour ceu
30. que toutes cez chozes desus dittes soient fermes et estaubles nous en avons donnei cez lettres saelees de nostre saeil en tesmoingnaige de veritei a la
31. proiere et a la requeste dou dit Brunekin que furent faites l’an de graice mil trois cens et quatre ans, le jour de Paiskes. Et pour tant que
32. ces presens transcris et vidimus soit plus creaubles est il saeleis dou saeil mon signour le duc de sa court de Nancey, sauf son droit et l’autrui,
33. li queils fut fais l’an de graice nostre Signour mil trois cens trante et trois le mercredi apres lez Paulmes on mois de mairs. -
L’analyse n° 65 du catalogue Marionnet correspond à cet acte. La cote renseigné par Marionnet est, en revanche, H 2670. La cote H 2673 est présente dans le catalogue Marionnet, mais qu’une seule fois au n° 64 et ni l’analyse ni la date ne correspondent à l’acte H 2673 (1).
-
« Stephanus de Nancey ».
-
"treize [...]", XVIe s. ; « Vidimus pour lez pracheresses », XIVe s. ; « Donation / du seigneur Brunequins de [Ri]stes / faite aux dames de douze livres toullois / bons et loyaulx a prendre annuellement / en deux termes sur la taille de Luneville / qui luy appartient, ce qui a esté confirmé / par Thibault, duc et marchis de Lorraine, / pour luy et pour ses successeurs ducs, / et est dû par le contract qu’en ces que les / [lett]res de ... d’en jouir en tout ou en / partie ledit Brunequin ou ses hoirs y satisf- / -front [...] les autres biens sans qu’il leur / […]loisible de vendre ny eschanger le […] / […] hypothequée pour ce don de aumosne. », XVIe s. ; "dez [...] d'ausmone", XVIIe s. ; « B 1333 », XVIIe s.
-
A.-M. MARIONNET, Catalogue des actes de Thiébaut II, duc de Lorraine (1303-1312), diplôme d'études supérieures de l'Université Nancy II, Nancy, [1947], n° 65
-
[Original] Original inconnu
-
Laura Gili-Thébaudeau ; Mathias Bouyer
Sigillography
-
oui
-
Sceau en cire brune sur double queue
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 297 (transscript-176), http://telma.irht.cnrs.fr/chartes/en/transscript/notice/297 (mise à jour : 19/11/2018).