Description
-
Officiaux de la cour de Toul
-
Ferry (4), duc de Lorraine et marquis
-
Guion dit Chadron de Marcheville-en-Woëvre
-
-
-
-
FRANCE, Nancy, Archives départementales de Meurthe et Moselle, B 880 n° 77
-
Original sur parchemin, jadis scellé sur double queue de parchemin
-
français
-
non suspecté
-
Lettre
-
Original
-
Les officiaux de la cour de Toul font savoir par la relation de Jean de Nancy, notaire juré de cette cour, que Guion dit Chadron de Marcheville-en-Woëvre devant eux et en présence de Jean de Nancey dit « le Marlier », notaire juré, a fait hommage-lige envers Ferry (4), après le seigneur d’Apremont, pour 10 livrées de terre à petits tournois et un muids de sel sur la saline de Rosières, à charge de 6 semaines de garde annuelle au château de Prény ; le tout étant rachetable par le duc pour 100 livres qui devront être mises en acquêt et tenues de Ferry (4).
-
01. Nous officiaulz de lai court de Toul faisons savoir a tous que Guions dis Chadrons de Mercheville en Weivre
02. pour lui et pour seis hoirs pour ceu especialment estaublis en lai presence lou signour Jehan de Nancey preste dit
03. lou Marlier, notaire jurei de lai court de Toul, cui nous creons en samblans chozes et en plus grans, ait recogneu et
04. confessei de sai plainne voluntei qu’il est devenus hons liges davant tous homes en aprés lou signour d’Aipremont
05. a hault et noble prince Ferri duc et marchis de Lorengne et a seis hoirs aprés lui et wardains on chaisteil de Pregnei
06. per lou termine de seix semainnes chascun an toutes leis foys qu’il en serait requis en lai guize et en lai meniere que
07. boins et loiaulz hons doit warder et ceu ait fait li dis Guions si comme il dit et l’ait recogneu et confessei de sai plainne voluntei
08. sens coaction nulle pour lai some de deix livrées de terre a petis tournois et un meu de seil chascun an que li dis dus li
09. ait assignei et assigne pour lui et pour seis hors a panre et a avoir chascun an sus lai saline de Rouzieres tout ensi et en
10. lai meniere com il est contenus eilz lettres que li dis Guions en ait si comme il dit dou dit duc, leisqueilz deix livrées
11. de terre et lou meu de seil li dis dus si con li dis Guions l’ait dit et recogneu de sai plainne voluntei puet raicheter
12. pour lai some de cent livres de petis tournois toutes leis foys qu’il li plairait ou a seis hoirs; encor ait recogneu et
13. confessei li dis Guions de sai plainne voluntei que se il plaisoit au dit duc ou a seis hoirs rescheter leis dites deix li-
14. -vreies de terre et lou meu de seil li dis Guions leis cent livres qu’il averoit dou reschait deveroit metre en acquest
15. et repanre lou dit acquest et de son alueul jusques a lai some de deix livrées de terre dou dit duc et de seis hoirs
16. a tousjours maix en leu souffizant et seroient leis dites cent livres mizes en main salve jusques a ceu que li dis
17. acques seroit troveis et l’acquest trovei li dis dus ne pouroit debattre que li dis Guions n’eust leis dites cent li-
18. -vres de fors sens nul debait et sens nul empanchement ; toutes ceis chozes ait promis affaire et a tenir bien et loi-
19. -alment li dis Guions par sai foy donnée corporelment en leu de serment et sus l’obligation de tous seiz biens meubles
20. et heritaiges presens et avenir partout sens niant aller encontre par lui ne par autrui par nulle raison que soit, si
21. weult, requiert et se consant li dis Guions que nous li faiciens tenir toutes leis chozes dessus dites par sentance
22. d’escomeniement se il en alloit de niant encontre par lui ne par autrui par nulle raison que soit, en renunsant a toutes
23. leis chozes qui en cest fait lou pouroient aidier ou reliver quoment que ceu fuit et lou dit duc nure ou graver.
24. En tesmoingnaige de laiqueil choze sont ceis lettres saiellées dou saieil de lai court de Toul par lai proiere et a la
25. requeste dou dit Guiont et par lai relation fiauble dou dit notaire; ceu fuit fait lou diemange aprés feiste saint
26. Luc ewangeliste l’an de graice Nostre Signour mil trois cens vint et dous on moys d’octambre. -
« (...) Johannes judex marllier de Nancey ».
-
« Pour X livres de terre et ung muy de sel / sur la saline de Rosieres rachastables / de la somme de cent livres [...] / et doit chascun an la garde VI semainnes au / chastel de Preny », « 1322, le dimanche aprés la Saint Luc / M.CCC.XXII », XVe s. ; « Homage lige / de Guyon dit de Marchéville / en Voyvre », XVIe s. ; « Rosieres N. 77 », XVIIe s.
-
-
-
J. BRIDOT, Catalogue des actes de Ferry IV, duc de Lorraine (1312-1329), Nancy, Bibliothèque municipale de Nancy (copie dactylographiée du diplôme d’études supérieures soutenu devant la Faculté des Lettres de Nancy). 1949, n° 282
-
H. LEVALLOIS, Table chronologique provisoire des actes des ducs Thiébaut II et Ferry IV conservés dans le Trésor des chartes de Lorraine ou publiés et analysés, Nancy, Bibliothèque municipale MS. 1185 (4 et 5)
-
[Cartulaire] FRANCE, Nancy, Archives départementales de Meurthe et Moselle, B 422 f° 380 (XVIe s.)
-
Laura Gili-Thébaudeau
Sigillography
-
non
-
Un sceau sur double queue (cour de Toul), disparu
Informations
Document
Laura
Gili-Thébaudeau
(Université de Lorraine), dans
TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 26698 (transscript-705), http://telma.irht.cnrs.fr/chartes/en/transscript/notice/26698 (mise à jour : 20/11/2018).