« transscript-596 »

Document | transscript/notice/24711
plus d'informations

Description

  •  
    Guillaume de Dampierre, sire de Saint-Dizier
  •  
    Marie d’Apremont, femme de Guillaume de Dampierre, sire de Saint-Dizier
  •  
    Mathieu de Lorraine, frère de Ferry (4)
  •  
    Ferry (4), duc de Lorraine et marquis
  •  
    1317/06/08

  •  
    FRANCE, Nancy, Archives départementales de Meurthe-et-Moselle, B 623 n° 19
  •  
    Original sur parchemin (390 x 335 mm), scellé de trois sceaux sur double queue de parchemin
  •  
    français
  •  
    non suspecté
  •  
    Lettre
  •  
    Original
  •  
    Guillaume de Dampierre, sire de Saint-Dizier, et Marie d’Apremont sa femme, ont vendu à Mathieu de Lorraine, pour 3500 livres de bons petits tournois, Valfroicourt, ce qu’ils ont à Morecourt, Frénois, Bainville-aux-Saules, Rancourt, Pont-lès-Bonfays, Bégnecourt, Adompt, Légéville, Gelvécourt et à Laneuveville-devant-Nancy, lieux donnés par feu le duc Thiébaut (2) à Jean de Dampierre, père du dit Guillaume. Promesse est faite par les vendeurs au dit Mathieu de garantir la vente, surtout contre Jean, fils du premier lit de Guillaume ; Ferry (4), duc de Lorraine, à leur requête, confirme cette vente et reprend à homme son frère Mathieu.
  •  
    01. Nous Guillames de Dampiere sires de Saint Desier et Marie d'Aiprimont sa fame dame de Saint Desier faisons savoir a tous
    02. que nous pour nous et pour nous hoirs avons vendui et aquitei et acquitons par la tenour de ceiz presentes lettres a noble demoiseil
    03. Maheu de Loherengne pour lui et pour seiz hoirs heritablement a tous jours maiz Walfroicourt et la chastellerie tout ceu que
    04. nous avons poons et devons avoir pour queilque cause que ceu soit et eiz villez appertenans a la dite chastellerie de Walfroicourt
    05. c'est assavoir eiz villez de Moirecourt, de Frasnoy, de Bainville, de rancourt, de Pons et tout ceu que nous avons et poons avoir a
    06. Begneicourt et a Adom, encor a Legierville vint resaulz d'avoinne et quartre solz de toulloiz par an ; encor a Audouy et a Gellevei-
    07. -court quinze resaulz d'avoinne c'om doit rendre chascun an on grenier de Walfroicourt; encor avons vendui et vendons
    08. a dit demoiseil Maheu et a seiz hoirs en la maniere dessus dicte la Nueveville devant Nancey et toutez leiz appartenancez, homez,
    09. famez, preis, terres, fours, molins, rentes de bleif, de deniers et de gelinnes, arages, tarraigez et nomeement l'estan de la
    10. Nueveville et lou peisson dedens et la moitié dou molin qui est devant la chausciée dou dit estain et tout ceu entierement que nous
    11. aviens, avoir poiens et deviens eiz villes et eiz bans dessus diz eiz bans, eiz finaiges et appartenancez d'iscealz et en toute la duchiei de Lohereng-
    12. -ne ou que ceu soit en homes, en fame, en rentez, en censes, en taillez, en prises, en fours, en molins fieiz, en wardez, en estans, en
    13. eawes, en preiz preis (sic), en terres, en boix, en forés, en chapons, en gelinnes, en toutes justices et signories hautez et basses et en
    14. toutez autrez chosez quelz qu'elles soient sens riens a retenir que nous aviens, avoir poiens et deviens pour queilque raison
    15. que ceu soit eiz villes, eiz leus, eiz bans, eiz finaige et eiz appartenancez d'icealz en la maniere et en la somme que leis choses dessus
    16. dites furent baillie, assises et assignées par nostre chier et amei signour monsignour Thiebaut jadiz duc de Loherengne et mar-
    17. -chis a nostre chier et amei signour et peire monsignour Jehan de Dampiere signour de Saint Disier; et nous sommes desve-
    18. -stu de toutez leiz choses dessus dites entierement pour nous et pour nous hoirs et en avons envestu lo dit Maheu pour
    19. li et pour seiz hoirs et mis en corporel possession pour tous jours maiz pour la somme de troiz mille et cinc cens livrez
    20. de boins petis tournoiz viés et anciens monnoie cursable en la citei de Mes que nous avons eues et receues dou dit
    21. Maheu et de son commendement en boins deniers compteis et nombreiz dont nous nous tenons pour bien paiei et
    22. avons promis et promettons par nous foys donées corporelment en leu de sairment que jamaix contre cet vendaige et
    23. ceste acquitance ne vanrons ne venir ne ferons par nous ne par autrui par nulle raison quel qu'elle soit especialment
    24. je Marie dame de Saint Desier dessus dite pour raison de douaire ne de don de nocez ne pour autre raison maiz en
    25. pourterons nous Guillames sires de Saint Desier et Marie sa fame dessus dit bone warentie et loyaul au dit Maheu et
    26. a seiz hoirs toute fois que mestiers seret ; et nous en seriens requis contre toutes gens qui a jour et a droit en voulroient
    27. venir et especialment je Guillames envers Jehan mon fil que j’ai de ma premiere fame sauf son droit qu'il puet avoir
    28. dou rachaster selonc la costume de Loherengne et pour la warentie apourteir en obligons nous tous nous biens mue-
    29. -bles et heritaiges presans et avenir et avons renunciei et renonceons par nos ditez foys quant au vendaige dessus dit
    30. a l'exception de mal, de barept, de circonvention, de deception outre la moitié dou droit prix a l'exception de la dite monnoie
    31. [venue ?], eue, comptée ne delivrée et especialment je Marie dame de Saint Desier dessus dite a l'exception de doaire
    32. de don de nocez a touz drois entredus en favour de fames a tous privilaiges d'apostolles ou de legaus empetreiz et a em-
    33. -petreiz et generalment ; et especialment nous Guillames et Marie sa fame ambdui ensamble et chascuns par lui a tou-
    34. -tez exceptions, deffentions, lesions, aides et raisons de fait et de droit escript et non escript qui a nous ou a l'un de
    35. nous et a nous hoirs pouroient adier contre cet fait et au dit Maheu ou seis hoirs nuire ou graver et es-
    36. -pecialment a droit que dit generaul renonciation niant valoir. En tesmongnaige de veritei avons nous mis
    37. nous saielz pendans en ceiz presentes lettres et avons proiei, suppliei et requis a trés haut et trés noble prince nostre chier
    38. et amei signour monsignour Ferri duc de Loherengne et marchis de cui fiei leiz choses dessus dites muevent
    39. ligement qui lo vandaige dessus dit wuelle loeir, aggreeir et confermer comme sires soverains et en wuelle re-
    40. -panre lo dit Maheu en sa foy et en son homaige pour lui et pour seiz hoirs en la maniere que li fiés le poirte et qu'il en
    41. tesmoingnaige de veritei wuelle mettre son saiel pendant aveuc leiz nostrez en seiz presentez lettres ; et nous Ferris
    42. dessus diz a la requeste et a la supplication dez diz vendours avons loeir, aggreei et confermei, loons, aggreons et confermons
    43. le vendaige dessus dit comme sires soverains et en avons repris lo dit Maheu nostre freire a home selonc ceu que li
    44. fiés lo poirte ; et en tesmoingnaige de veritei et pour ceu que ceu soit ferme chose et estable avons nous mis nostre saiel
    45. pendant aveuc leis saielz dez diz vendours en ceis presentes lettres que furent faites l'an de graice Nostre Signour
    46. mil trois cens et deixsept lo mercredi devant saint Barnabé l'apostre on moyz de junet.
  •  
    -
  •  
    « Lettres des acquez fais par monsignour Maheu / de Lorrengne en la duchié de Lorrengne », XIVe s. ; « Lettres de l’acquest de Walfroicourt et de la chastellerie / et de plusours villes en Voisge et de la Neuveville davant / Nancey, de l’estant et dou molin », d’un autre main du XIVe s. ; « N° 19 / Confirmations » XVIIe s.
  •  
    -
  •  
    J. BRIDOT, Catalogue des actes de Ferry IV, Duc de Lorraine (1312-1329), Nancy, Bibliothèque municipale de Nancy (copie dactylographiée du diplôme d’études supérieures soutenu devant la Faculté des Lettres de Nancy), 1949, n° 189
  •  
    H. LEVALLOIS, Table chronologique provisoire des actes des ducs Thiébaut II et Ferry IV conservés dans le Trésor des chartes de Lorraine ou publiés et analysés, Nancy, Bibliothèque municipale, ms. 1185 (4 et 5)
  •  
    H. LEPAGE, Les communes de la Meurthe, Nancy : 1853 et 1854, 2 vol., t. II, p. 227
  •  
    [Cartulaire] FRANCE, Nancy, Archives départementales de Meurthe et Moselle, B 335 f. 47 (cartulaire du XVIe s.)
  •  
    [Cartulaire] FRANCE, Nancy, Archives départementales de Meurthe et Moselle, B 377 f. 188v (cartulaire du XVIe s.)
  •  
    [Cartulaire] FRANCE, Nancy, Archives départementales de Meurthe et Moselle, B 379 f. 352 (cartulaire du XVIe s.)
  •  
    FRANCE, Nancy, Archives départementales de Meurthe et Moselle, B 703 f. 2r
  •  
    Laura Gili-Thébaudeau

Sigillography

  •  
    oui
  •  
    Trois sceaux sur double queue de parchemin


Informations

Document
Laura Gili-Thébaudeau (Université de Lorraine), dans  TRANSSCRIPT
TRANSSCRIPT Project. Writing and Governance. Cultural transfers between France and the Empire (13th-16th centuries), dir. I. Guyot-Bachy (CRULH) et M. Margue (IPSE), éd. électronique TELMA (IRHT), Orléans, 2017 [en ligne], acte n. 24711 (transscript-596), http://telma.irht.cnrs.fr/chartes/en/transscript/notice/24711 (mise à jour : 23/10/2018).
http://telma.irht.cnrs.fr/chartes/en/transscript/notice/24711
transscript/notice/24711
XML  JSON